Den fin di siman a tuma luga na Xavier University un dia di “Diabetes Awareness “ hunto cu Aruba Lions Club. Presidente di Aruba Lions Club Rubin Ponson tabata presente hunto cu diferente Lions nan y ta sumamente contento con e dia a bay y e audiencia cu tabatin di tanto hende grandi y hoben presente na e actividad.
Aruba Lions Club a keda acerca door di Xavier University den conexion cu dia internacional di diabetes, tabatin diferente test nan cu a keda haci henter dia. For di 9 or di mainta ya caba tabatin un cantidad grandi di persona cu a asisti pa asina controla y haci diferente test di sanger manera colesterol, sucu, peso, haltura y presion.
Tambe tabatin dokternan presente na unda cu nan ta haya consehonan riba nan resultado.
Banda di tur e test nan cu nan por a haci, tambe tabatin algun boet cu nan por a ricibi diferente informacion riba salud.
Presidente di Aruba Lions Club Robin Ponson ta duna di conoce cu e dia a bay hopi bon y a yuda diferente hende durante di henter e dia. Sinembargo no ta prome biaha cu Aruba Lions Club ta traha hunto cu Aruba Xavier University ya caba den pasado a haci e health fair y ta kere cu traha hunto ta hopi bon y ta kere cu den futuro lo sigui traha riba mas proyectonan.
No ta desconoci cu e datosnan di diabetes mundialmente e edad ta bahando y e casonan ta birando mas hopi , pesey mes ta trata di duna mas informacion pa tanto adulto y mucha cu a bin haci test. Aruba Lions Club ta kere cu ta hopi importante pa organisa tipo di actividadnan asina di conscientisacion pa asina tur hende keda controla pa tin nan salud na un manera controla.
