No ta un secreto cu DUMP ta den un situacion delicado , pero na mes momento no ta mustra cu tin un maneho structural pa e departamento di parkietenbos. Un banda ta papia cu lo bin cu un insenirator mas pa yuda kima e sushinan acumula di Hospital, di otro banda minister di medio ambiente ta bisa no ta bin cu insenirator, esunnan cu ta protesta un ta bisa pa stop e insenirator di traha y di otro banda ta keha cu desperdicionan di hospital mester wordo kima debi cu ta acumulandonan den diferente container riba Dump y cu e lo bira un situacion mas grave. Den tur e bringamento aki y puntonan contradictorio pa rancamento di siboyo ken y kico na final pa PAIS ARUBA ta keda perhudica, esaki ta un situacion di preocupa y sigur e ta un mal echo pa e Pais mes. Prome Mnister Evelyn Wever Croes ta splica un poco mas con e situacion ta hinca den otro y ta kere cu mester carga un poco mas di pasenshi.
Rancamento di siboyo pa grupo a y grupo b riba kico si y kico no pa Dump perhudicando pais Aruba si no tin cohon pa decision na bienestar di Aruba
