Un hende no por ricibi nada, si esey no a wordo duna na dje for di cielo.( Juan 3;27).
No sea gaña , mi rumannan stima. Tur bon regalo y tur don perfecto, ta for di ariba, y ta baha bini for di e Tata di lusnan, serca Kende no tin variacion, ni sombra di cambio.( Santiago 1:17).
Di berdad, di berdad, Mi ta bisa boso, esun cu kere den Mi,e obranan cu Mi ta hacie tambe lo haci: y obranan mas grandi cu esakinan e lo haci, pasobra mi ta bay serca e Tata.
Tur loke boso pidi den Mi nomber, esey lo Mi haci,
Pa e tata wordo glorifica den e Yiu. Si boso pidi algo den Mi nomber lo Mi hacie.( Juan 14;12-14),
Y e señal aki lo compaña esnan cu ta kere, den Mi nomber nan lo saca demoño,
nan lo papia den lenga nobo.Nan lo cohe colebra cu man, y si nan bebe cualkier veneno mortal, esey lo no haci nan daño, nan lo pone man riba hende malo y esakinan lo bira bon.( Marco 16:17-18).
Cual lo ta nos defensa si nos no ta kere den locual ta para scirbi, pasobra ora e diabel a ataca Hesus den desierto Hesus a defende su mes cu locual ta para scirbi, esey ta duna nos un indicacion cu nos mester kere de locual ta para scirbi. ( Mateo 4:3-10).
Un persona cu ta haci oracion y e no ta kere, su oracion lo no tin ningun clase di efecto, pasobra e ta duda, e palabra di Dios, ta siña nos cu nos mester pidi cu den fe, sin ningun duda.( Santiago 1:6)
Nos ta bibando den un tempo materialista, caminda inmoralidad ta broma riba caya, impuresa ta pone hende haña berguensa,djis observa pa bo mes con violencia ta domina nos hubentud tanto na cas, scol , riba caya, y sabi cu a yega etempo pa nos fe crece den Señor pasobra ta solamente Señor por yuda nos.
Nos oracion cu Fe por basha murayanan abao, nos oracion cu Fe por destrui forsa di e enemigo, pasobra ora nos pidi algo den nomber di Hesus, E ta scucha y E ta haci pa nos, den nomber di Cristo Hesus, tur cos ta bira posibel.
Dios den su inmenso amor ta duna nos e forsa den oracion pa ranca tur esnan cu diabel tin nan mente corumpi,trece nan riba e caminda di berdad y bida, pasobra ta hopi distraicion satanico ta tumando lugar rond mundo.
E amor di Dios mester wordo demostra, na esnan cu no ta kere den Dios, pasobra tur hende mester haña e oportunidad pa kere den Dios, y drecha nan relacion cu Dios, ningun hende ta wordo rechasa of exclui, pasobra berdad ta y ta keda cu Dios a stima e mundo completo, y a manda su yiu unigenito pa ken cu kere den dj’E no bay perdi ma haña bida eterno.
E enemigo a sembra inmoralidad, y ta usa esey pa hende kere cu nan ta exclui, y asina mantene nan mes leu for di Dios.
Pero awor a yega e momento pa nos oracion crece mas cu nunca, pa tur esnan cu no ta kere den nos Señor Cristo Hesus , dobla nan rudia, kibra cu tur orguyo y arogancia, y bini cu urgencia na Cristo Hesus y asina wordo libera for di gara di e enemigo.
Nos ta bibando den un tempo caminda tin hopi trosemento di berdad door di hendenan di influencia.
Pesey nos mester kere den locual ta para scirbi.
