E 18 mil firma ta representa 90 % di e votonan cu MEP a haya na 2021, e ta 100% di e votonan cu AVP a haya na 2021, e ta 126% mas di e som di tur e partidonan chikito cu ta sinta den tanto den bestuurskantoor y parlamento di Aruba. Den total e ta 35% di tur e partidonan cu a haya voto y ta sinta na e momentonan aki na Bestuurskantoor y parlamento pareu. Loke ta bon cla cu e firmanan sigur no ta minoria y si e personanan aki bay vota y bay eleccion riba e topico aki so un pida di e dos partido nan grandi y esun chikito mester bay cas.
Personanan den e sociedad aki di 18 aña bay ariba y tin 16300 certifica no kier pa hof dicidi pa nos den formanan raro con matrimonio mester bay si of no. E mensahe ta bon cla cu no kier e matrimonio di mes un sexo. E grupo di Gay, LGBT y LGBT+ na momento cu nan no por domina un hende grandi nan ta busca manera unda pa tin mas influencia cu ta na e scolnan y esaki ta sumamente peligroso.
Pro Famia su deseo ta pa matrimonio keda den su forma original, tradicional, natural manera DIOS a diseña e matrimonio divinamente. Ta hopi importante pa sa cu un Pais no por keda goberna bao di sentimiento, paso si sentimiento di tur hende mester wordo legalisa ta nifica cu den parlamento nos tin un problema hopi serio. No por hustifica kibra e ader principal di e sociedad cu ta e matrimonio door di dies un sentimento. Bijbel ta bisa un nacion mester e principionan di husticia pa e por bira famoso pa e keda bendiciona door di DIOS. Na mes momento ta bisa tambe si mester bay over na pica unda cu ta uza principionan di pica, esey ta un reproche y e ta un berguensa.
Frank Daal kier sa kico mas ta bay wordo haci pa stop e agende di Gay. Tin 18 mil rason pa lucha pa esaki y tin oportunidad ainda dilanti di nos pa para e agenda di Gay completamente paso e ta un agenda basa riba sentimento y e no ta basa riba ningun principio mas cu ta puro sentimento. Pro Famia ta kere cu no mester sucumbi pa Hulanda, Merca of Canada. Loke cu ta un realidad ta tambe cu e intencion no ta pa sucumbi ningun Gay , pero simplemente e echo cu nan kier bin cambia un norma y balor fundamental no ta aceptabel.
