Na kaminda pa e mishon komersial hopi prometedor di PSV – Boneiru, awe diputado Craane a habri e pre-evento. E pre-evento akí tabata sirbi komo un muestra adelantá di e mishon komersial pa i di parti di empresarionan i asosiashonnan sektorial. E mishon komersial, ku komo tema ‘Deporte, empresariado i inovashon’ ta tuma lugá for di 4 te ku 9 di novèmber.
E pre-evento a brinda potensial partisipantenan un oportunidat pa haña un impreshon di loke e mishon komersial tin di ofresé. Durante e mishon komersial tin vários ‘round table’, presentashon i seshon di interkambio relashoná ku hasi negoshi, deporte, nutrishon, salú, inovashon, zero-waste management, start-ups, scale-ups i mas.
For di e organisashon lo invitá empresanan i asosiashonnan sektorial pa partisipá na e mishon komersial úniko akí. Diputado Craane ta spera ku e invitadonan ta partisipá i hasi uso di e evento spesial akí na benefisio di nan empresa òf sektor.
