Cristo Hesus a yega di bisa algo hopi grandi pa nos tur corda pa semper, y esey ta cu no tin ningun hende bon riba e tera aki, solamente Su Tata cu ta den cielo.( Marco 10:17-22).
E atake di fin siman riba Israel a cay di sorpresa pa nan mes y pa mundo completo.
Tur hende cu conoce historia sa cu desde cu Israel a wordo establece como estado na aña 1948, hopi pais ta contra, y varios grupo terorista a lanta aya banda cu a primiti cu nan lo caba cu Israel.
Gruponan cu ta wordo support ( cu training militar y financieramente) door di otro paisnan bisiña cu ta enemigo di Israel.
E pais Israel ta rondona cu enemigo, nan mester vigila nan frontera 24ora pa dia, pasobra e enemigo ta djis pega cu nan y buscando un chens pa destrui cosecha, secuestra hende, mata hende, y den un palabra bisa destrui e pais cu yama Israel.
Israel ta conoci pa un sistema di control y vigilancia den categoria di un di esnan mihor di mundo, pesey hopi ta pensa cu door cu nan tabata celebra fiesta, esey ta e motibo cu vigilancia por a mengua y asina e enemigo a drenta.
Pero esaki tambe ta duna nos aki banda un señal cu e palabra di Dios ta cumpliendo y cu ora hende kere cu tin pas guera lo bini.( 1 Thesalonisensenan 5:2-3).
Aki banda nos por haci hopi oracion, pa Israel y pa henter medio Oriente, pa asina nan pordona otro y biba na pas cu otro pasobra e asunto aki no ta cos nobo, ta cos cu tin hopi aña y cu te awe no a yega na pas.
Un hende cu ta biba aki nan no ta compronde facil kico ta pasando, pero no ta asunto di religion, ta asunto di odio y tereno, un ta bisa cu esaki ta su tera, y otro ta bisa cu abo no tin derechi di existi.
Y nan ta duro contra otro, sin pordon , cu ta solamente Cristo Hesus por interveni y para e matansa aki.
Mateo capitulo 24 ta cumpliendo, pasobra no laga nos lubida cu casi henter e beibel ta basa riba Israel y su paisnan bisiña.
Ora nos mira e cosnan aki ta cuminsa sosode aya banda , nos oracion mester aumenta aki banda, pasobra tur esaki ta mustra cu e binida di Cristo Hesus ta serca.
Palabra di Dios ta bisa cu nos lo tende di guerra y rumor di guerra, y esey ta locual nos ta scuchando awor mas cu nunca. Pero esey no ta nifica e fin.(Mateo 24:6).
Nos tur sa cu nacion lo lanta contra nacion y reino contra reino, pesey nos ta roga Dios den nomber di Cristo Hesus pa e asunto aki no escala, pasobra ta exsisti un peligro pa mundo henter.
Ta tempo cu mundo henter lo bay mira cosnan sosode cu nunca nos por a imagina, y cu hopi cos lo bay sali na cla, hopi mentira, y mentiroso lo wordo expone, manera solo ta sali mainta, pasobra a yega tempo cu Dios ta bay mustra e berdad.
Ma di e dia y e ora ningun hende no sa,, ni e angelnan di cielo tampoco,ni e Yiu,sino e Tata so.( Mateo 24:36.
Tene cuidao pa boso curason, no ta carga pa causa di paranda,y buracheria, y e preocupacion di bida, y e dia ey no bin diripiente riba boso, manera un trampa.( Lucas 21:34).
Laga nos haci oracion pa Israel y Medio Oriente completo, pa Dios tuma control.
