Un Competencia Internacional di Robotica na Singapore
The STEM Embassy a crea e prome equipo nacional di Robotica cu lo representa nos isla na un competencia Internacional di Robotica yama FIRST Global Challenge cu ta tuma lugar na Singapore. E equipo di Aruba ta consisti di hobennan Trevor van der Biezen (18), Janelle Giromus (16), Guiyan de Nobrega (16), y Timothy Romain (18). E hobennan a conoce otro na ‘Ki’ ta bo STEM?’ summer camp organisa door di The STEM Embassy. Laura Croes y Jillian Oduber, miembronan di The STEM Embassy, lo coach e hobenan durante e competencia cu ta tuma lugar 7 – 10 di october 2023.
FIRST Global ta un organisacion cu un mision simpel; promove Ciencia y Technologia entre hoben. Nan ta hasi esaki posible organisando ‘The FIRST Global Challenge’ unda mas cu 191 pais lo competi na un Competencia olympico di Robotica, enfocando riba energia sostenibel manera solo, biento, y awa. E tema di e aña aki ta ‘Hydrogen Horizons’ unda e hobenan mester diseña y programa nan mesun robot.
Mescos cu The STEM Embassy nan mision ta pa inspira e hobentud pa explore e ramonan di STEM y pa mustra nan cu nan por bira e lidernan cu por resolve e desafio nan cu nos planeta ta pasando aden. The STEM Embassy ta un organisacion consisti di studiante y jong proffesionals di Aruba y Corsou cu ta situa na Hulanda, Merca y Suisa cu kier lanta curiosidad y confianza den STEM riba tur e islanan ABC. STEM ta para pa estudionan den e area di Science, Technology, Engineering y Mathematics (Ciencia, Technologia, Ingenieria y Matematica).
Por sigui e competencia di robotica riba Instagram @firstglobalaruba, @f1rstglobal,
@TheSTEMEmbassy y first.global/live pa e livestream.
Nos kier a gradici Francis Lacle, Diego Acevedo, y e facultad di SISSTEM na e Universidad di Aruba pa nan ayudo na e equipo. Y tambe masha danki na e sponsors di e FIRST Global Challenge Team Aruba 2023: Plus Accountants, Lighthouse Club, Aruba Tourism Authority, y Marriott Surf Club Aruba.
