E di dos coaching clinic den colaboracion cu USA Baseball lo tuma lugar dianan 14 y 15 di oktober proximo. Lo tin tres (3) coach di e USA Baseball coaching staff presente pa duna e training y comparti nan experiencia, y conocimento riba e deporte di baseball.
E programa lo cuminsa oficialmente ariba diasabra, 14 di oktober unda lo tin e Coaching Session 1 (theoretico) di 12 – 5pm na Universidad di Aruba y ariba diadomingo, 15 di oktober, lo tin e Coaching Session 2 (practico) di 9am – 3pm na veld. Tin un maximo cantidad di 80-coach cu por inscribi pa e session. E suma pa participacion ta Afl.50, esaki lo yuda cubri gasto y ta inclui, dos coaching session (Diasabra & Diadomingo), cos di bebe (awa y gatorade), cookies (diasabra), y un light lunch (diadomingo) pa tur participante. Managernan, coachnan y dirigentenan ta keda cordialmente invita pa registra online na
E motibo principal di organisa e evento aki atrobe ta pa amplia e conocimiento di coachnan na Aruba, cu kier sigui prepara nan mes mihor y a cambio prepara e hungadornan. Den 2022, e clinica a conta cu e maximo cantidad di participante, basa ariba e feedback di e coachnan a percura pa hasi algun cambio na e contenido di e programa tur na beneficio di baseball na Aruba. Ademas, ora di inscribi participantenan por duna input di e area cu nan kier focus ariba dje, pa asina por personalisa e clinic mas aun. Sigur un oportunidad unico pa tur presente.
Baseball na Aruba ta un mundo di voluntario cu tin amor y dedicashon pa e deporte, si nos por sigui combina e pasion y boluntad cu e sed pa conocimiento y mehoracion sigur nos lo mira un desaroyo positivo pa e deporte di baseball na Aruba.
E participantenan por prepara pa dos (2) dia intenso cu coachnan Drew Briese, Steve Butler y Andrew Bartman. Cada un cu nan area di expertisio pa asina contribui na hasi e clinic aki uno exitoso. Un danki na Sport Subsidie pa a kere den y aporta financieramente na e clinic aki cu ayudo di voluntarionan den baseball na Aruba.
