Prome minister di Curaçao Gilmara pisas a manda un carta pa asina informa cu gobierno di Curaçao lo mester acepta e suma di placa for di Hulanda pa hinca den Ennia, Segun prome minister pisas dos fiansa grandi na mes momento (di mas cu Fls 2 biyon) no por ser carga dor di e pais Curaçao unda cu e pueblo lo mester bay paga pe, pero no tin otro solucion. Abase di esaki a trece dos otro proposicion y base di e calculacionnan di CBCS y e consehonan di Cft, e gobierno a purba di papia cu Hulanda tocante posibel otro solucion, pero Hulanda no a acepta Ningun di e solucionnan aki. Esaki a conduci cu Gobierno di Curaçao aworaki lo mester acepta e oferta di un fiansa pa e reinicio di Ennia cu Hulanda.
E carta di prome minister sr Gilmar Pisas ta bisa lo sigiente:
Posicion di gobierno ENNIA Caribe Leven N.V.
ENNIA Caribe Leven N.V. ta un asegurado di derecho priva cu ta bou di supervision di Banco Central di Corsou y Sint Maarten (CBCS) y cu a drenta den problema financiero den mei di 2018 pa motibo di transaccionnan irregulario cu companianan di grupo afilia. CBCS ta considera ECL como un asegurado di gran importancia pa e union monetario entre Corsou y Sint Maarten. Esaki ta nifica cu un fayecimento di ECL por pone un desaroyo sano di e sector financiero den union monetario na peliger. Na e momento ey, CBCS a haci un peticion na 4 di juli 2018 pa e Tribunal di Prome Instancia di Corsou (CFI) (‘Tribunal’) pa declara cu e reglanan di emergencia di articulo 60 Ltv ta aplica na ECL y Ennia Group, cu a wordo declara pa GEAC riba 6 di juli 2018.
CBCS a haci un apelacion urgente na e Gobierno di Corsou (y Sint Maarten) pa asisti finansieramente pa evita un insolvencia di ECL. Den interes di e 30 mil dunado di polis, di cua 25 mil ta residente na Corsou, e gobierno di Corsou a considera e peticion di CBCS cu bon boluntad. E discusionnan a bay na e parti di un reinicio (of continuacion di e actividadnan) di ECL pa medio di e creacion di un compania di seguro nobo cu lo a ricibi un capital inyecta via di un fiansa di Hulanda di Fls 1,2 biyon.
Hulanda a liga e negociacionnan tocante e refinanciamento di e Koronaleningen (di Fls 911 miyon) cu un solucion pa e problema di Ennia. Durante e negociacionnan, sinembargo, a resulta, basa riba calculacionnan di CBCS, cu e contratashon di dos fiansa grandi na mes momento (di mas cu Fls 2 biyon) no por ser carga dor di e pais Curaçao, pasobra e lo keda blokia den ehecucion di su tareanan of comete inversionnan necesario pa crecemento economico den e añanan binidero. Esey sigur no ta e intencion, pasobra e pais mester keda finansieramente gobernabel. E College Financiel Toezicht (Cft) a adverti den tres conseho contra di tuma e prestamo Ennia aki, ya cu esaki lo a limita e capacidad di crusamento di Corsou hopi, cu tur e consecuencianan finansiero- economico y social cu esaki lo tin pa e pais.
A base di e calculacionnan di CBCS y e consehonan di Cft, e gobierno a purba di papia cu Hulanda tocante posibel otro solucion bon, cu lo a crea mas espacio pa den futuro haci e prestacionnan necesario relaciona cu inversionnan den, por ehempel, infrastructura, educacion y economia. Ningun di e solucionnan aki a ser acepta pa Hulanda, loke a haci e posibel pa e Gobierno aworaki pa acepta e oferta di un fiansa pa e reinicio di Ennia cu Hulanda.
P’esei e Gobierno, den bon consulta ku CBCS, a dicidi di pone e recursonan necesario disponibel tur aña pa e 25 añanan binidero pa por paga e pensionnan di e aseguradonan di ECL si nan recursonan propio no ta sufisiente. Tur cos ta wordo structura di tal manera cu CBCS tambe ta contribui na e solucion scoge, cu lo keda elabora mas leu den e proximo luna entre e expertonan di e Banco Central y esunnan di Corsou y Sint Maarten.
No tin duda cu CBCS y Gobierno di Corsou, den cooperacion cu Gobierno di Sint Maarten, lo haci un esfuersonan extensivo pa garantisa e derechonan di pensioen di e 30.000 dunado di seguro y e interesnan di e trahadonan di ECL mas tanto posibel, sin perhudica e interesnan di e poblacion di Corsou. Esaki no tin niun implicacion pa Ennia Caribe Schade N.V. y Ennia Caribe Zorg N.V., cu ta entidadnan cu ta cumpli cu e rekisitonan di solucion di CBCS.