Bo palabra ta un lampi pa mi pia, y un lus pa mi caminda. ( Salmo 119:105). Mi a scirbi boso tatanan, pasobra boso conoce Esun cu tabata for di principio.( 1 Juan 2;14). Oseas 4:6-7 :Mi pueblo ta wordo destrui pa falta di conocemento. Pasobra bo a rechasa conocemento, Ami ta rechasa bo di ta Mi saserdote.
Como cu bo a lubida e ley di bo Dios, Ami tambe lo lubida bo yuinan, Mas nan a multiplica mas nan a peca contra Mi, lo Mi cambia nan gloria den berguensa. Pesey mira mi ta contra profetanan cu ta horta mi palabra for di otro. Mi ta contra e profetanan,Señor ta declara: Cu ta usa nan lenga pa bisa, Señor ta declara. Mira mi,Mi ta contra esnan cu ta profetisa soñonan falso,Señor ta declara, y cu a conta nan y a desvia mi pueblo cu mentiranan y gabamento iresponsabel.
Ami no a manda nan ,ni a duna nan ordo, pesey nan lo no ta di ningun probecho, pa e pueblo aki Señor ta declara.( Jeremias 23:30-32). Cada biaha cu un mayor ta permiti su yiu haci cosnan cu no ta den boluntad di Dios, y e ta perfectamente bon na altura, e ta un piedra di trompica pa su yiu. Un mayor no tey pa profetisa soñonan falso na su yiu, pero cosnan berdadero, den cual Dios ta ricibi e Gloria.
Tin un caminda cu ta parce bon den bista di hende,ma su fin ta e caminda di morto.(Proverbionan 14:12). Mayor ta yama door di Dios pa lanta su yiu den e disiplina y instruccion di Señor.( Efesionan 6:4). Desobedencia di Adam y Eva tabatin consecuencia grave pa nan famia.( Genesis capitulo 3 y 4). Desobedencia di saserdote Eli a causa su bida y bida di su yuinan.( 1 Samuel 2 :12-36).
Desobedencia di Rey Saul a causa su bida, y a desvia henter e pais.( 1 Samuel 12:22-23).
Desobedencia di Rey David pa haci conteo di poblacion a causa morto den e pais ( 1 Cronicanan 21:11-13). Desobedencia ,adulterio y crimen di Rey David a trece consecuencia grave pa su famia.(2 Samuel Capitulo 11 -18). Desobedencia di Aaron a hinca e pueblo di Dios den Idolatria y Inmoralidad ( Genesis 32:2). Desobedencia di yuinan di Aaron, Nadab y Abihu a conduci na nan morto( Levitico 10:1-2). Desobedencia y murmuracion di Miriam ruman muher di Moises a causa cu Miriam a hanja lepra.(Numbernan 12:1-10).
Desobedencia y no kere den e palabra di Dios, a causa cu Moises ni Aaron no a drenta e tera primiti.( Numbernan 14: 9-13). Desobedencia , bruheria,idolatria y crimen di Jezabel a desvia e pais for di caminda di Dios, y a causa su bida.( 1 Reynan 21:1-25). Desobedencia di Ananias y Safira a causa nan morto ( Hechonan 5:1-11). Ta tempo pa huicio cuminsa cu e hendenan di cas di Dios,y si e cuminsa cu nos prome, kico lo ta e resultado pa esnan cu no ta obedece e evangelio di Dios. Si ta cu dificultad e husto lo salba,kico lo para di e impio y e pecador.
Pesey laga esnan tambe cu ta sufri segun e boluntad di Dios, encomenda nan almanan na e fiel Creador den hacimento di loke ta corecto.( 1 Pedro 4:17-18).
Pasobra si nos sigi peca boluntariamente, despues di a ricibi e conocemento di e berdad, no ta keda sacrificio pa pica mas. Sino un expectativa teribel di huicio y e furia di un candela cu lo caba cu e adversarionan.( Hebreonan 10:26). Ban permanece den Oracion pa Dios su misericordia.