Segun St. Maarten Hospitality and Trade Association (SHTA), e pais a registra nuebe porshento menos anochi den camber e zomer aki compara cu e zomer anterior. SHTA a bisa cu mientras E hotelnan na St. Maarten a bende 194,571 anochi den camber den e lunanan di zomer di 2022, e ocupacion di zomer di e aña aki a yega na 177,174 anochi den camber.
Esaki ta 9% mas abou cu e aña anterior Compara cu 2017, e margen ta hopi mas amplio 28% mas abou. E aña aki e cantidad di anochi den camber cu a bende ta 6% mas abou cu na 2019, caminda e capacidad di camber a cuminsa cu 36% menos capacidad compara cu awor a termina cu 18% menos, SHTA a bisa den un e-mail na su miembronan. Segun e asociacion, tarifanan di avion mas halto i menos transporte aereo ta un reto regional cu ta splica parti di e ocupacion mas abou, pero diferente destinacion den Caribe a experencia un crecemento for di 2022 pesar di esaki.
Hopi destinacion turistico den e region ta considera cu e cantidad di anochi den camber ta un indicador economico importante. SHTA ta basa su cifranan riba muestranan komparabelmente grandi (minimo 59% di tur camber di hotel disponibel), SHTA a nota.Thedailyherald.sx