Siman di concientizacion pa nos curazon. Maleza Cardio-vascular (CVD) ta e causa principal di morto na mundo. Den conhunto, malezanan cu ta afecta e curazon of e vasonan sanguineo, manera atake di curazon, accidente cerebrovascular y insuficiencia cardiaco, ta mata mas di 20.5 miyon cada aña. Mayoria di e mortonan aki ta sosode den paisnan cu entrada abou y mediano.
Nos kier baha e cantidad aki hopi abou. Y tin speranza: 80% di morto prematuro di CVC por wordo preveni. Haciendo cambionan chikito den nos estilo di bida, loke nos ta come y bebe, con hopi ehercicio nos ta haci y con nos ta maneha stress, nos por controla e salud di nos curazon y vence E CVC. Parti di e diversion di celebra Dia Mundial di Curazon ta pa haci e Dia di Curazon di bo, door di dicidi con abo of bo organizacion kier contribui na haci un diferencia real. Esaki por ta un careda di 5 km pa tur hende den bo compania, un menu saludabel pa curazon den e cafetaria di scol of un les di reanimacion cardiopulmonar (CPR) pa bo club deportivo.
No ta importa kico bo dicidi, bo por haya yudanza y recursonan riba e website di Dia Mundial di Curazon, incluyendo un kit di herment pa comunicacion y organizando bo evento ta un exito. Dia Mundial di Curazon ta wordo celebra riba 29 di September di cada aña, cu e meta principal di concientizacion tocante maleza cardio-vascular, su señalnan di advertencia y e medidanan efectivo cu por tuma pa combati nan y e formanan pa yuda personanan cu ta sufri di maleza di curason. Pa controla e malesa aki efectivamente, e Federacion Mundial di Curazon (WHF), den colaboracion cu e Organisacion Mundial di Salud (WHO), a organiza e evento aki pa atende e malezanan relaciona cu curazon y e cantidad di problema di salud asocia.
Cu henter mundo ainda ta lucha pa combati COVID-19, hende nunca mas tabata conciente di e importancia di bida y salud di nan sernan kerí. Maleza cardiovascular (CVD) ta keda e causa principal di morto na mundo, cu tin varios causa, for di humamento, diabetis, hipertension y obesidad te na contaminacion ambiental y trastornonan menos comun manera maleza di Chagas y amiloidosis cardiaco. Pa personanan cu ta biba cu CVD, e impacto dI COVID – 19 tabata stressful y tin un riesgo mas halto di desaroya formanan severo di e vírus.
E tema di Dia Mundial di Curazon e aña aki ta enfoca probecha e poder supremo di salud digital pa mehora e consensus, prevencion y maneho di CVC rond mundo, e tama ta: “Bo curazon, Mi curazon”. Pesey, e telesalud a hunga un papel remarcabel mientras nos ta sigui “usa e curason pa bati, uza e curazon pa conecta” ta trata di envolvi conocimento, compasion y influencia pa segura cu tur hende den comunidad tin e mihor opcionnan posibel pa biba bida saludabel pa e curazon. Cada individuo mester sigura pa alimenta y nutri nan mas mihor cu bo por y tambe usa e poder supremo di salud digital pa conecta tur curazon, rond mundo.
Tres Pilar Clave Pa Un Miho Conexion Cardiaco:
Equidad
Hende cu tin un acceso pober na conexion di Internet tin un riesgo mas halto di maleza di curason y atake cerebrovascular door di acceso pober na prevencion di CVD, tratamento y maneho. Mas cu mitar di e poblacion mundial no tin un enfoke adecua pa conexion di networking.
Tecnología y data lo yuda hende cera e gap aki y logra esaki rapidamente. Ta trata di permiti y empodera tur hende, tur caminda: pashentnan, trahadornan den salud comunitario, dokternan, pa uza hermentnan digital pa mihor prevencion, diagnostico y cuido apropia di malezanan relaciona cu curazon. Salud digital por yuda drecha e balansa.
Prevencion
Cuida e curazon te na su maximo door di come un dieta balansa y nutritivo, bisa no na huma, adopta custumbernan di un bida saludabel y haci ehercicio adecuado. Varios tipo di herment digital, manera aplicacion pa telefon y aparato portabel, por yuda hende enormemente pa keda fuerte, motiva y den bon caminda.
Hende cu tin maleza comorbí manera maleza di curason, fayo di curazon, diabetis, presion halto di sanger of obesidad mester planifica y haci controlnan medico y siguimento regularmente.
Comunidad
Cu mas cu 520 miyon hende rond mundo cu ta biba cu CVD, cu a keda mal afecta cu COVID-19. Debi na e susceptibilidad pa e formanan mas severo di coronavirus, a ser bisa cu e seccion aki di e poblacion e ta na riesgo y mester tin e cuido adecuado. Algun di e consecuencianan di esaki ta inclui:
Orario di dokternan cu ta falta
Falta di contacto cu famia y amigonan
Inactividad fisico
E rednan digital tin e poder pa conecta patientnan cu famia, amigonan, otro patientnan, dokternan y proveedornan di cuido salud. Niun hende no mester sinti su so, pandemia of no, usa e tecnologia eficientemente pa supera e isolacion y yena e gapnan den cuido di salud.
E Importancia Di Bon Salud di Curazon:
Adoptando un estilo di bida disciplina na cualkier edad por evita e riesgo di maleza di curazon, atake di curason of atake cerebrovascular. Un curazon saludabel ta esencial pa un bon bienestar físico y mental en general. E curazon ta responsabel pa circula sanger rico na nutriente den e sistema, e ta provee oxigeno y ta elimina toxico y deshecho for di e curpa. Como centro di e sistema cardio-vascular, e ta responsabel principalmente pa casi tur cos cu ta duna bida na e curpa, for di transporte di oxígeno te cu construccion di un sistema inmunologico robusto.
Modificacion den estilo di bida ta poderoso pa optimaliza e funcion di salud di e curazon, incluyendo:
Keda activo por reduci e riesgo di desaroya CVD y tin biaha por hasta cura algun di e factornan cu ta contribui, manera sobrepeso of hipertension. Come e cuminda adecuado por yuda controla peso, sucu den sanger, colesterol y presion arterial. Incorporando cuminda saludabel pa e curazon manera fruta, berdura, grano integral, noot y simiya, carni suave ta hopi beneficioso. Drumi bon pa 7 of 8 ora pa anochi ta un yabi di bon bienestar di curazon. Controla presion arterial dor di actividad fisico y un dieta nutritivo, por yuda evita e riesgo di presion arterial halto y tambe regula hipertension.
Hende cu ta diagnostica cu CVD mester tuma nan remedinan regularmente. E remedinan prescribi aki tin un impacto positivo ora e cambionan den estilo di bida ta ta wordo implementa na un manera consistente. Corda controla colesterol y mantene e perfilnan lipidico bao di e rango normal.
Busca yudansa inmediato di e dunadonan di cuido di salud pa e salud di bo curazon, medicina, cambionan den estilo di bida y cualkier otro reto pa controla problemanan di salud di curazon.
