Aeropuerto Internacional di Corsou a conclui cu orguyo un entrenamento di recuperacion di avion di un siman largo, cu a tuma luga for di dialuna 11 di september te cu diabierna 15 di september, cu un grupo consisti di empleadonan, miembronan di comunidad di aeropuerto i partnernan principal. Tur participante a ricibi informacion valioso pa enrikece nan conocemento riba e aspecto crucial aki di siguridad di aviacion i operacionnan general.
E entrenamento di recuperacion di avion ta trata e proceso pa trece un avion bek na suela di un manera sigur den caso di un emergencia of malfunshonamento. E nivel di preparacion pa un situacion asina ta un aspecto sumamente importante y crucial di e operacionnan, ya cu ta trata principalmente di garantisa e siguridad di e pasaheronan y tripulantenan a bordo durante un evento asina.
Sr. Michael Hoehenberger, COO di Curaçao Airport Partners (CAP), a indica cu Proceduranan di recuperacion di avion rapido i efectivo por yuda preveni accidente catastrofico cu por conduci na perdida di bida, preveni daño secundario na avion i daño na propiedad, i tambe desasternan ambiental.
Un grupo di 20 participante a ricibi un entrenamento teóriko durante cuater dia y a bay den tereno riba e ultimo dia pa e parti practico di e entrenamento. E entrenamento intensivo di un siman aki a ser duna dor di un experto den e tereno aki, sr. John Olsen di e compania RESQTEC.
RESQTEC tin un experencia amplio den e industria i tabata capaz pa prepara e personanan principal di e operacion durante un eventual situacion. E cantidad di interesadonan cu ta participa durante un eventual evento asina ta amplio. Tur partido interno y externo lo mester alinea y comunica efectivamente den circunstancianan estresante. E preparacion y coordinacion adecuado ta e clave pa un ehecucion sin problema di e guia y procedimentonan ora ta necesario.
Nos ta organisa continuamente entrenamento di siguridad i un siman anual dedica na e topico aki. Nos no ta subestima e importancia di un preparacion di recuperacion di avion i nos a pidi un compania renombra pa yuda nos duna mas entrenamento na nos miembronan di ekipo.
CAP ta enfatisa riba su compromiso pa fortalece e proceduranan interno di recuperacion di avion, incluy endo tin e ekipo necesario na luga, ya cu dunando e atencion necesario na e aspecto aki ta reforsa confiansa publico y ta parti di e cumplimento regulador. Procesonan di recuperacion efectivo y personal bon instrui den tur aspecto di operacion diario ta esencial pa prevencion di accidente, salba bida y preserva bienes valioso.
