Como cu desaroyo di hende ta un prioridad den nos Pais, Minister Sithree van Heydoorn a dialoga y tene un presentacion chikito di nos sistema di enseñansa. Den cuadro di esaki Ministerio di ESKD hunto cu expertonan local a para keto na e desaroyo educacional di adulto tambe. Den e reunion aki a participa diferente pais manera Hulanda, Belgica y Luthuania.
Siglo 21 a bay den un era di avancenan tecnologico y globalisacion sin precedente. E abilidatnan cu un tempo tabata suficiente pa sigura un trabou stabiel no ta suficiente mas. Pa keda competitivo y probecha e oportunidadnan cu nos tin dilanti, nos mester ekipa nos adultonan cu un diferente set di habilidad di siglo XXI.
Na prome luga, alfabetisa digital ta impresindibel. Den un mundo impulso pa tecnologia, e capacidad pa nabega riba hermentnan y plataformanan digital no ta un opcion mas, pero fundamental. Nos mester sigura cu nos adulto por uza tecnologia pa crecemento personal y profesional. Pensamento critico y abilidatnan pa soluciona problema ta igual di esencial. E capacidad pa analisa problemanan compleho, pensa Creativo haña solucionnan innovativo lo diferencia nos adultonan den un mercado laboral competitivo. Inverti den desaroyo di habilidad di siglo 21 den nos adulto ta un inversion den futuro di nos pais. E lo mehora empleo, impulso diversificacion economico y finalmente conduci na un Pais mas prospero y resistente.
Pesei Minister Sithree vanHeydoorn ta gradici pa un colaboracion internacional di e tipo aki den cua nos pueblo por a explora, experencia y siña tocante posibel formanan pa promove y activa y reconocemento di e abilidatnan di siglo 21 den educacion di adulto. Inclusion di esaki por bira duradero dor di inclui nos biblioteca local den e proyecto aki. Nos vision ta pa envolvi Biblioteca den facilitacion y desaroyo di e habilidatnan menciona anteriormente.
Considerando e bunita experencia cu e delegacion local tabatin den e asociacion aki, Minister di ESKD ta haci un apelacion na Gobierno, educador nan, empleadonan pa uni den e esfuerso aki. Hunto nos por garantisa un futuro mas briyante pa Corsou y su ciudadano.
