Dia 25 di september ultimo cual ta ayera tabata e dia internacional cu ta comemora 8 ana cu leadernan di 193 pais a tuma bou di nan e 17 pilarnan di SDG. SDG cu ta para pa e obhetivo nan pa un crecimiento sostenibel ta 17 pilarnan cu ta profundisa nan mes den area nan di un pais pa asina nan por crece den tur area.
Kico ta SDG?
E ta un plan di acion pa hende, e planeta y futuro. Tambe e ta buska pa fortalesé pas universal pa mas libertad. Nos ta reconoce cu erradicación di pobresa den tur su formanan i dimensionan, incluyendo pobresa extremo, ta e reto mundial di mas grandi y un requisito indispensabel pa desaroyo sostenibel. Tur pais y tur parti interesá, actua den un asosiacion colaborativo, lo implementá e plan aki. Nos ta determiná pa liberá e rasa humano for di tirania di pobresa y necesidad, y pa cura y sigurá nos planeta. Nos ta determiná pa tuma e pasonan balente y transformador ku ta necesario urgentemente pa kambia mundu pa un kaminda sostenibel i resiliente. Ora nos embarca den e biahe colectivo aki, nos ta priminti cu ningun hende lo keda atras. E 17 Obhetivonan di Desaroyo Sostenibel i e 169 Metanan ku nos ta anunsiá awe ta demostrá e magnitud y ambicion di e Agenda universal nobo aki. Nan ta buska pa konstruí riba E Metanan di Desaroyo di Milenio i kompleta loke Nan no a logra. Nan ta buska pa realisá derechonan humano di tur hende, empoderamentu di tur muhe y mucha muhe. Nan ta integra y indivisibel y ta balansa e tres dimensionnan di desaroyo sostenibel: económiko, social y medioambiental.
E metanan lo stimula action den e proximo añanan den áreanan di importancia pa humanidad y e planeta:
Hende
Nos ta determina pa pone un fin na pobresa y hamber, den tur su formanan y dimencionnan, pa garantisa cu tur ser humano por desaroyá nan potencial den dignidad e igualdad y den un ambiente saludabel.
Planeta
Nos ta determiná pa proteha e planeta for di degradacion, asta dor di consumpcion y produccion sostenibel, maneho sostenibel di su recursonan natural y adopshon di medidanan urgente riba kambio di klima, pa e por kumpli ku e nesesidatnan di generacionnan presente y futuro.
Prosperidad
Nos ta determiná pa garantisa ku tur ser humano por disfrutá di bida satisfactorio i ku progreso económico, social y tecnologico ta tuma lugá den harmonia ku naturalesa.
Pas
Nos ta determiná pa promové sosiedatnan pasífiko, hustu i inklusivo, liber di miedu i violensia. No por tin desaroyo sostenibel sin pas i no por tin pas sin desaroyo sostenibel.
Asociacion
Nos ta determiná pa mobilizá e medionan necesario pa aplica e Agenda aki dor di un aliansa Mundial revitalisá pa Desaroyo Sostenibel, basá riba un spiritu di solidaridad mundial reforsá, enfocá particularmente riba e necesidadnan di esnan mas pober y vulnerabel y cu participacion di tur pais, tur e partinan interesa y tur e personanan.
E interrelacionnan y e naturalesa integra di E Metanan Di Desaroyo Sostenibel ta di crusial importancia pa garantisa cu e proposito di e Agenda nobo ta kumpli. Si nos realisa nos ambicionnan den henter e Extencion di E Agenda, bida di tur hende lo mehora profundamente y nos mundo lo transforma pa miho.
Nos vision
Den e metanan aki, nos ta establece un bista sumamente ambicioso y transformador. Nos ta imagina un mundo liber di pobresa, hamber, malesa y necesidad, kaminda tur bida por prospera. Nos ta imagina un mundu liber di miedo y violencia. Un mundo cu acceso exacto y universal na un educacion di calidat na tur nivel, na cuido di salud y na proteccion social, kaminda bienestar físico, mental y social ta asegura. Un mundo den cual nos ta reafirma nos compromiso cu e derecho humano na awa y saneamento y den cual tin un miho higiena; i kaminda kuminda ta suficiente, sigur, aceptable y nutritivo. Un mundo kaminda habitante nan humano ta sigur, resiliente y sostenibel y caminda tin acceso universal na energia asequibel, confiable of sostenibel.
Nos ta prevé un mundo di rèspèt universal pa derechonan humano y dignidad humano, e estado di derecho, hustisia, igualdad y no discriminacion; di respet pa rasa, orígen étnico y diversidat cultural; y di igualdad di oportunidad cu ta permití e realisashon kompleto di e potensial humano i ta kontribuí na prosperidat kompartí. Un mundu ku ta invertí den su yiunan y den cua cada mucha ta crese liber di violencia y explotación. Un mundo den cua tur muhé y mucha muhé ta disfrutá di igualdat di genero y ta eliminá tur bareranan legal, social y economico pa nan empoderamento. Un mundu hustu, tolerante, habrí y socialmente inclusivo den cua e necesidad nan di esnan mas vulnerabel ta ser satisfecho.
Nos ta spera un mundu den cua tur pais ta disfrutá di cresemento económico sostenibel, inclusivo y sostenibel y di trabou digno pa tur hende. Un mundo den cua e patrono di consumcion y producion y e uso di tur recurso natural, for di aire te na tera, for di riu, lago of acuífero te na oceanonan y lama, ta sostenibel. Un caminda democrasia, bon gobernacion y estado di derecho, y un ambiente propicio na nivel nacional y internacional, ta esensial pa desaroyo sostenibel, inkluyendo kresementu ekonómiko sostenibel y inclusivo, desaroyo social, protecion di medio ambiente y eradicacion di pobresa y hamber. Un caminda e desaroyo y aplicacion di tecnologia ta sensitivo na klima, ta respetá biodiversidad y ta resiliente. Un caminda humanidad ta biba den harmonia cu naturalesa y tur especie bibo ta protehá.
E SDG nan pa Aruba ta siinfica hopi, Nos pais ta trahando riba 9 aceleradornan cual acionnan cu conexion cu hoben ta na prome lugar, Aruba ta den caminda y ta un pais cu ta basta activo den mantene nan mes den loke SDG ta significa y kier logra segun Nacionnan Uni.
