Ciudadanonan cu tin mester di proteccion extra, den luna di november por pasa angua contra corona cu un vacuna nobo. Ta conseha e angua pa hende di 60 aña bay ariba i pa hende entre 18 i 60 aña cu tur aña mester pasa e angua di grip. E vacuna nobo ta intencional tambe pa hende muhe na estado i pa hende cu por ehempel preshon halto, diabétis, problema cu pulmon i nir, i trahadonan den cuido. E angua nobo contra corona ta necesario pa motibo cu e vacunanan anterior no ta proteha suficientemente contra e tiponan nobo di corona.
E vacuna nobo ta proteha hende cu un salu vulnerabel contra hospitalisacion debi na contagia ku e variantenan nobo di e virus di corona. Di e manera aki e chens cu hende ta muri pa motibo di corona ta bira mas chikito. Keto bay e virus di corona ta keda lanta cabes.
P’esei principalmente pa hende vulnerabel ta importante pa nan proteha nan mes contra e virus. I ta importante tambe pa hende salu cu tin un hende vulnerabel rond di nan, tambe bay pasa angua. Di e manera aki hende salu por proteha e personanan vulnerabel rond di nan.
For di 30 di october 2023 te cu 3 di november 2023 trahadónan den cuido ku ta desea esaki, ta pasa angua prome. For di 6 di november 2023 te 1 di december 2023, ciudadanonan cu ta desea esaki por pasa e angua contra corona. Nan por haci esaki den centro di bario na Antriol, Nort’i Saliña, Rincon i Tera Cora.
Despues ta anuncia dia i orario. Ciudadanonan cu ta pasa angua den bario, no tin mester di traha cita pa esaki. Un tim di departamento di Salubridad Publico por bay den bario pa pasa hende angua na cas tambe, si ta dificil pa nan bay centro di bario.
