Ayera mainta alrededor di 9’or Comite Olimpico cohuntamente cu comite Arubano, regional y internacional di Body Building den un rueda di prensa den oficina di Comite Olimpico a presenta e di 3 Campeonato regional di Body Building cu e aña aki ta celebra 50 aña di aniversario cu lo tuma lugar den fin di siman venidero den ballroom di Marriott Hotel.
Aruba su Comite cu presidente Giovanni Croes ta cla pa presenta pa di 3 biaha e campeonato regional di Bodybuilding cu un cantidad di 24 atleta local cu tin lunanan preparando pa representa Aruba den e Campeonato aki.
E aña aki e campeonato lo ta tumando lugar Diadomingo awo den e luhoso ballroom di Marriott Hotel unda presidente di comite di body building di Aruba ta segura cu lo ta un experiencia bunita y representable. E campeonato aki como discribi lo ta uno amplio cu diferente categoría y edad pa asina no solamente diversifica nos deporte, pero tambe encurasha mucha y hobennan pa participa. Diasabra lo ta e Fitness challenge cu ta un mezcla di body building y crossfit. E aña aki pa encurasha mucha lo tin un “kids fitness” tambe cu lo tuma lugar pa mucha te cu 6/8 cu tambe tin e interes den e area di body building.
Tin diferente categoria manera un di homber, bikini, wellness, women’s physique y body builders. Crecemento den e area di bodybuilding y fitness ta premira pa crece manera cu el a crece den pandemia manera cu presidente di Comite Arubano di body building a bisa, e ta birando un estilo di bida y ta clave den e formacion di diferente atleta.
Nos por a haya tambe mas informacion tocante e testmento di atletanan over di e uzo di dopahe den deporte, sintando hunto cu e presidente invita di comision di dopaje mr. Mauricio a segura cu como 15 atleta lo test prome cu e campeonatonan.
Tambe nos por a conoce di parti di presidente di Comision Olimpico di Aruba Sra. Nicole Hoevertz con importante fitness ta y con grandi e ta pa nos pais ta e cede di campeonatonan di deporte y ta hopi sigur cu e campeonato aki mescos cu cada otro lo ta super excelente y yena cu hopi hende manera semper. Tambe e la duna su gratitud na cada invitado, presidente y vicepresidente di cada comite cu ta aportando den e campeonato regional aki na Aruba. E ta gradici Comite di bodybuilding Aruba pa nan connection activo y e contacto fuerte cu nan tin entre nos comite olimpico y tambe ta extende su invitacion na cada persona cu kier forma parti y mira e contribucion grandi cu nos atletanan ta bai haci pa nos pais, y ta segura cu e campeonato aki tambe lo refleha e ambition nan di comite olimpico pa deportenan limpi y sano.
Como presidente di area regional tabatin invitado special mr. Rafael Santoga cu por a mira na diferente campeonato regional cu a pasa caba y esunnan cu ta bai tin den e fin di siman binidero. E ta sumamente satisfecho cu e escohencia di haci Aruba e caminda unda e campeonato lo tuma lugar e aña aki y ta haya Aruba e lugar perfecto pa eventonan di deporte invitando pueblo di Aruba na e campeonatonan cu lo tuma luga den e fin di siman aki cu lo ta Diasabra di 1 pa 6/7 y Diadomingo di 10 or te cu ora e evento termina cu lo tuma luga den ballroom y e evento di mucha cu lo cuminsa 8’or di mainta Diadomingo den e parking space di Marriott. E costo ta un pakete di dos dia pa 100 florin y ta spera di wak tur persona pa presencia un Campeonato di gran magnitud den e area di body building.
