Faltando no mas cu 4 luna inscripcion pa Eleccion di Prins & Pancho di Aruba su Carnaval 70 – 2024 ta oficialmente habri completamente digital riba pagina di facebook di SMAC. Manera a introduci e aña aki un categoria nobo den e competencia comico, pa otro aña, esaki ta e caso atrobe. E eleccion ta conoce algun cambionan.
Categorianan cu por participa na dje:
Infantil: 7 te cu 10 aña,Hubenil: 13 te cu 16 aña,Grandi: 18 te cu 29 aña (Prins y Pancho grandi mag di ta casa y mag di tin yiu),Adulto: 30 aña bay ariba
E inscripcion ta habri te cu diabierna 5 di januari 2023, 11:59 pm y despues e lo cera. E eleccion ta tuma luga diadomingo 7 di januari 2023 cuminsando for di 6:00 pm. Nos ta haci un yamada na tur mayor, coach/entrenado, comediante, lider di grupo pa asina inscribi y pa engrandece e eleccion di e monarcanan cu lo carga e yabi di Carnaval 70.
Keda pendiente den e dianan benidero cu mas inscripcion lo habri; Eleccion di Reina, Festival di Tumba, Festival di Tumberito, Calypso & Roadmarch Infantil – Hubenil Contest y mucho mas.
Stichting Maneho di Aruba su Carnaval (SMAC) ta gradici di antemano na tur persona, prensa, patrocinado, y pueblo di Aruba danki pa e sosten. SMAC ta trahando duro brinda Aruba e fiesta cultural di mas grandi di nos dushi isla Aruba.