Dialuna ultimo , a reanuda e operacionnan di vuelo regular na e terminalnan 2 y 3 di Aeropuerto Internacional Jose Martí di Havana e vuelonan nacional ta bolbe na terminal 1 for di awe diamars 19 di september.
Empresa Cubana de Aeropuert y Servicio Aeroporto (ECASA) a anuncia dialuna e restablecimento di operacionnan di vuelo regular y nacional den e terminalnan di Aeropuerto Internacional Jose Marti di Havana.
For di 18 di september, aeropuerto di Havana a reanuda e operacionnan di vuelonan regular pa e terminalnan aereo No. 2 y 3 cu nan orario di custumber, manera ECASA a informa den un comunicado riba su rednan social.
Na fin di augustus, Cubana de Aviacion a anuncia e traslado temporal di vuelonan nacional pa terminal 5 di aeropuerto di Havana, for di 4 di september, como parti di un serie di medidanan pa sigura e celebracion di e Cumbre di Hefe di Estado y di Gobierno di e Grupo G-77 + China, den e capital Cubano.
E disposicion a provoca malestar di ciudadnan, cu a critica e medida pasobra e distancia di e terminal aereo ta trece un gasto mas grandi di combustible pa e pasaheronan nacional, den medio di e crisis energetico cu ta afecta e pais, y specialmente, e poblacion.
Ademas, pa motibo di e Cumbre G-77 e autoridadnan Cubano a dicidi di cambia e terminal di e vuelo regular y charter entre Merca y Havana. For di dia 10 di september, e vuelonan aki – cu ta opera habitualmente pa medio di e terminal aereo – a cuminsa aterisa na e terminal 3 di aeropuerto Jose Marti, den nan orario di custumber.CIBERCUBA