E yiu di “ Chapo” a wordo transporta for di Centro Coreccionnan Metropolitano di Chicago pa un corte pa tende e delito cu ta ser acusa di dje.
Poco prome cu 13’or di anochi (ora di Chicago), Ovidio Guzman Lopez a ser traslada for di Centro Correccional Metropolitano pa Corte di Districto Norte di Illinois pa bay e prome presentacion di su proceso penal.
Despues di un audiencia di 14 minuut, e yiu di “ Chapo” Guzmán a declara su mes “ no culpabel” di e cinco cargonan penal contra dje, incluyendo trafico di droga y lavado di placa, segun informacion comparti pa Michael Tarm pa agencia AP News.
E acto hudicial a tuma luga den sala 1241 y tabata na cabes di hues Sharon Johnson Coleman, kende a avala e acusacion emiti den e Corte na januari 2023 contra “ El Ratón” pa cinco cargo criminal.
Prome cu nan yega na corte, autoridadnan di Merca a desplega un fuerte operativo di siguridad pa proteha e trayecto di dos caya y mei cu ta conecta e centro penitenciario cu e Corte, localisa na Palacio de Husticia Everett McKinley Dirksen.
Abogado Jeffrey Lichtman, kende a defende Chapo Guzmán y awor ta representa su yiu homber, a yega e edificio federal algun minuut prome cu merdia.
Na e prome audiencia di Ovidio Guzman na Merca, hues Johnson a haci un lectura di e delito imputa contra dje den e districto aki: posesion di droga cu intencion di distribui nan; participacion den un empresa criminal continuo; conspiracion pa importa, fabrica y distribui substancianan controla; conspiracion pa labado di placa y portashon di arma di candela.
Despues di a scucha nan, “El Raton” a declara “no culpabel” di cada un di nan. Pa e motibo aki, tanto Fiscalnan como e defensa legal di e lider di Los Chapitos lo mester prepara e caso pa duna continuidad na e proceso y duna paso na e huicio corespondiente.
Ovidio Guzman mester bay un di dos audiencia dia 17 di november 2023 na e mesun Corte. Segun declaracion di su abogado na final di e presentacion, e no lo enfrenta pa e momento ningun di e seis cargonan cu a ser imput’e na New York, ya cu e lo mester descarga prome e caso cu actualmente ta pisa contra dje na Illinois. INFOBEA
.