Sostene y respalda articulo 13 di SDG cual ta accion climatico ta hopi importante pa e futuro di hobennan aki na Aruba. E calor y problema nan climatico cu nos lo por enfrenta den nos futuro cercano merece atencion y accion urgente y sostenibel.
Un tema cu mas ta birando hopi importante pa hoben nan di no solamente nos Pais pero rond di mundo ta e tema di medio ambiente y accion climatico cu mester wordo haci pa sigura un futuro saludabel pa hoben y mucha. sostenebilidad ta cambio nan den e manera di produci cu ta limpi, economico y duradero. Cambionan cu por pasa den diferente cambio y ta keda structura den e bon caminda. Producto nan y cambio nan cu por haci uzo di nan pa tempo nan largo.
Efectonan awo:
Den e ultimo tempo nan aki nos por no solamente wak pero mas cu claro sinti e calor ardiente cu ta creciendo no solamente na Aruba pero na mundo henter. Clima no ta solamente birando mas cayente pero tambe pegando diferente cosnan na candela door di e simpel echo cu mundo ta birando mas y mas cayente. Efectonan no ta solamente afecta e bida riba tera pero tambe e bida marino unda nos por cuminsa wak e scarsedad di pisca y coral cu ta creciendo den nos mesun awa nan. Nos isla ta depende di su bunita clima y awa nan tropical como generacion di placa y e pilar mas grandi economico cu nos conoce cual ta turismo, nos mester sa genera idea y solucion nan pa defende esaki pa e no bay perdi. Secura y e problema medico cu esaki por trece cu ne tin mester mas urgencia den deliberacion nan nacional. Secura ta percura cu hopi cos no por crece na e manera adecua.
Efecto nan di mañan:
E efectonan cu e problema climatico aki por trece cu ne ta bisto, unda nos por mira na nos alrededor con diferente rampa nan climatico tin un efecto mas grandi y peligroso pa nos Mundo y Pais, esaki nos por a mira ora di wak diferente candela y con e efecto nan aki lo sigui crece, cu secura lo ta algo mas frecuente y con e nivel di e awa maritimo lo subi lo surgi un desbalanse den nos clima cu nos no lo por depende mucho mas di dje, e calor ta halto y sin actua y ignora e problema climatico nan aki. Nan por crece asina grandi cu no tin reparacion mas.
Kico pa haci?
Como hoben nos por ta mas consciente di e desperdicio di sushi cu nos ta haci y bin cu idea nan creativo den e sostenibilidad di nos pais, pa tin mas contexto nos como hoben tin idea nan creativo con pa upsicle y con pa recicla y uza nos y otro desperdicio den diferente manera como Fashion, Arte, Producto y mucho mas, nos creatividad y nos gana nan di sostene nos medio ambiente mester ta halto y consistente pa un cambio berdadero y duradero por pasa. si nos cada un haci un parti hunto nos lo tin un impacto grandi no solamente den nos Pais pero pa henter mundo. Ta habri pa haci cambio y transiciona nos pueblo den area nan sostenibel ta un necesidad. crea cosnan “clean” y recicla por tin hopi beneficionan pa nos. Plantamento den hoben por mustra manera algo desconoci pero tin algun hoben cu ta purba y crece den e area di plantacion, cual ta algo cu nos por purba haci den nos cura di cas, mas nos planta mas nos cosecha, mas stabiel nos lo ta den e caminda pa un mundo mas limpi, sostenibel y cuida. Forma parti den e crecemento continuo y positivo di bo Pais ta algo di sumamente importancia pa un Futuro sostenibel
Con pa preveni:
Preveni e efectonan negativo di nos desbalanse actual di medio ambiente por sinti manera imposibel pero esey no ta e caso, tin diferente cosnan cu nos por haci pa cuida nos mes y otro. Hydrata nos mes bon y percura cu nos ta comiendo saludabel y moviendo continuo por yuda nos resistencia den e tempo calor nan aki. Tambe percura cu bo mascota tambe ta hydrata y cuida den e secura aki y desbalanse den nos medio ambiente ta uno importante. Nos como hoben por cuminsa pone mas presion en uzamento di producto nan recyclabel of sostenibel y pone proteccion di solo y mucho mas ta cierto cosnan cu nos como hoben por haci pa para cierto efectonan.
![Sosteniendo Articulo 13 Di Sdg Como Hoben 156 Pap Sosteniendo](https://www.eanews.com/wp-content/uploads/2023/09/PAP-sosteniendo.jpg)