Tin un conexion profundo entre Hulanda Europeo, Hulanda Caribense i e otro paisnan den nos Reino. Nos ke hasi mas husticia na e relacion special aki i traha hunto riba bon solucionnan pa e problemanan social specifico riba e islanan basa riba envolvimiento, solidaridad y respet mutuo.
Nos tin un responsabilidad special pa e tres municipionan special Hulandes en particular”, por lesa den e programa electoral ‘New Connectedness’ di Union Cristian:
Sirbiendo Bonaire, St. Eustatius y Saba
Bonaire, Sint Eustatius y Saba ta parti di Hulanda. Pero e habitantenan di e tres islanan aki, cu hunto ta forma Hulanda Caribense, no semper ta wordo trata mescos cu e habitantenan di Hulanda Europeo. Tin un red di siguridad social menos fuerte pa residentenan di BES, mas pobresa y asuntonan basico manera un number di BSN no ta bon organisa. Hopi biaha e habitantenan di Hulanda Caribense ta lubida di leynan of politica nobo. Gobierno mester sirbi henter sociedad, incluso riba e islanan BES, cu ta cuminsa cu un minimo social adecua.
Duna hende suficiente pa nan por pasa. E entrada di trahadonan, di esunnan cu ta ricibi asistencia social y di pension mester aumenta pa pueblo por cumpra cuminda y paga pa nan bida. Tambe nos ta introduci un subsidio di desempleo riba e BES y nos tin como meta pa pone asistencia social i AOV (AOW) den sintonia cu e skema cu ta aplica na Hulanda Europeo.
Reduci e gastonan di bida. Ta caro pa biba riba un isla. Ta p’esei Hulanda ta trahando pa reduci e gastonan di cuminda i e uzo di electricidad, internet i awa, tambe dor di sostene generacion local di energia, suministro local di cuminda y emprendementu local. Nos ta mira tambe cu critica e tarifa dobel riba importacion cu ta aumenta innecesariamente e Costa di bida.
Eskoho di yiu. Cuido di mucha i sosten pa mayornan no semper ta bon organisa. Combati pobresa di mucha tambe ta un prioridad di BES. Lo tin un miho cuido pa muchanan cu un desabilidat y un ley di hubentud pa e BES. Cuido di mucha na BES lo ta completamente gratis. E tata tin derecho riba e mesun permiso di parentahe manera na Hulanda.
Yuda mayornan nobo. Na e islanan BES, hopi embaraso ta termina prematuramente cu un aborto. Ta tristo cu hopi muhe ta mira esaki como e unico salida. Christian Union ta desea un miho sosten pa mayornan hoben y un variedad di ayudo pa hende muhe na estado. Educacion sexual, cu ta adecua na e contexto di e comunidad, tambe por yuda reduci e cantidad di embaraso involuntario.
Igualdad como punto di salida. Mester aplica politica i lei nobo tambe na Hulanda Caribense. Solamente si esaki ta di acuerdo cu e deseonan di e gobiernonan di e islanan mes, lo desvia di esaki. Por ehempel, si e leynan ta menos apropia pa e scala of contexto cultural di e islanan.
Duna residentenan di Hulanda Caribense un number BSN. Un number di BSN ta importante pa participa den sociedad Hulandes. Mester acelera e legislacion pa duna tambe e residentenan di e BES un number di BSN.
Yuda e BES pa ta resiliente na cambio di clima. E habitantenan di e islanan BES i naturalesa ta hopi vulnerabel na e consecuencianan di cambio di clima. Hulanda ta inverti p’esei den adaptacion na clima i restauracion di naturalesa.
provision di TBS den e parti Caribense di Reino. Cuido forense den e parti Caribense di e Reino no ta na ordo. Esaki ta conduci na situacionnan peligroso na e islanan i den algun caso tambe na Hulanda Europeo. Hulanda ta trahando riba miho facilidadnan forense, por ehempel pa medio di un clinica di TBS pa e parti Caribense di Reino.
Conecta cu Corsou, Aruba y Sint Maarten
Corsou, Aruba y Sint Maarten e paisnan di CAS ta un parti special di Reino Hulandes. Como paisnan den e Reino, nan ta autonomo, pero conecta cu Hulanda. Solidaridad mutuo den Reino ta nifica cu paisnan ta sostene otro, cu respet pa nan propio idioma, cultura i tradicion, i ta sigui inverti den confiansa y empatia mutuo. Esaki tambe mester tene cuenta cu e heridanan cu e colonia y historia di sclavitud a laga atras.
Traha riba relacionnan di igualdad. Relacionnan entre paisnan den Reino no ta semper igual, por ehempel den caso di leynan nobo cu ta aplica na henter Reino. Hulanda lo cuminsa consulta cu e paisnan di CAS pa resolve e deficit democratico aki.
Hulanda, Corsou, Aruba, Sint Maarten, Bonaire, Sint Eustatius i Saba tin un historia complica den cua desigualdad y opresion a existi pa siglonan. Pa duna e historia aki un luga y pa sigui corda riba dje, lo crea un Kanon di Reino hunto. Fortalece e estado constitucional democratico riba e islanan den Reino.