31 di augustus 2023 interesadonan externo a bini hunto un biaha mas durante e di tres sesion tocante mobilidad y alcansabilidad sostenibel cu directorado di planificacion y desaroyo a organisa na nomber di entidad publico Boneiro. E encuentro aki ta marca un paso crucial den atendemento cu e desafionan di mobilidad na Boneiro. Colaboracion, scucha otro y uni forsa a para central den e esfuerso exitoso aki.
Entidad publico Boneiro ta comprende cu e necesidad pa transporte na Boneiro ta creciendo y ta realisa su mes cu ta importante pa mantene nos isla bon alcansabel. E aspiracion pa yega na un sistema di transporte publico strukturalmente organisa, hunto cu alternativanan sostenibel i vital manera core baiskel i cana, entre otro ta para central den e vision pa mobilidad di futuro i di Boneiro. Den esaki nos ta evalua cada posibel solucion a base di seis condicion basico: Inclusivo (pa tur hende), alcansabel, seif, sostenibel, pagabel i innovativo.
Bou di guia di e consehero di mobilidad i comportacion sostenibel, marc van der seijs (adviesbureau & morgen), durante e sesionnan a invita mas cu 20 organisacion i interesado local, entre otro fundacion mariadal, fundacion cas Boneriano, camara di comercio, BIA, WEB, BONHATA, MIVABO, TCB, STINAPA, ROCARGO y maduro Bonaire pa traha hunto y comparti idea. Como preparacion riba e sesion cada un di nan a coopera tambe cu un entrevista tocante e tema.
E encuentro aki a soru pa un entusiasmo y colaboracion grandi cerca e participantenan, cu a haña inspiracion pa medio di ehempel di solucion pa mobilidad y alcansabilidad for di henter mundo, pero tambe for di den region. Cada participante a reconoce tambe principalmente e importancia di colaboracion entre partidonan pa por logra den e proposito y vision aki. Pa medio di traha conhuntamente riba e tareanan, ideanan valioso y aplicabel a bini dilanti.
entidad publico Boneiro ta enfatisa cu sosten fuerte y integral for di tur sector ta crucial pa exito di e plan di mobilidad’, segun diputado Thielman. ‘nos ta agradecido pa e dedicacion di tur e participantenan na e sesion exitoso aki. Colaboracion y un vision conhunto ta esencial pa mehora mobilidad na Boneiro. Gobierno lo sigui traha riba e metanan aki, y nos ta aprecia contribucion di tur hende enormemente.