Aruba Lions Club a tene nan evento di recauda cuminda pe muchanan cu ta bay scol
Esaki ta bin pasobra hopi mucha ta bay scol cu hamber. Nan ta haya cu si e situacion sigui asina, mas mucha lo ta pidi cuminda.
Rubin Ponson, presidente di Aruba Lions Club, a indica cu un di e proyectonan cu ta nan ta concentra ta esun di ‘hunger releaf.’ Aki nan a ripara cu den ultimo tempo hopi mucha ta bay scol sin pan pa come mainta, sin tin bon desayuno pa pasa nan dia bon na scol. Esey tabata un di e motibonan cu nan a opta pa bin cu e proyecto aki. El a indica cu nan a reparti cantidad grandi di saco cu juice, buscuchi y mas
Di cuanto mucha ta bay scol sin come, Ponson a expresa cu nan no tin dato di esey. Pero a ripara cu semper ta drenta peticion, manera na Lions Club mes, pa ayudo den diferente caminda tanto pa hende grandi como mucha. Aruba Lions Club ta enfoca pa tur generacion, esta hende grandi, mucha y hubentud.
