E legendario agedresista y cuater biaha campeon di Merca Alexander Shabalov e siman aki ta bishita Corsou. E lo duna un asina yama simultaneo di agedres na 25 tablero, pues ta hunga cu 25 hungado pareu. Relaciona cu e bishita y actividad aki club Capablanca ta pospone e di tres buelta di su campeonato.
Por cierto cu e competencia di club Capablanca den weekend tras di lomba a conoce un desenlace sorprendente. Esaki tabata ora cu e hoben talento Jie Peng Wu a gana Daniel Léañez, cu huntu cu su ruman Dylan ta faboritonan pa e titulo campeonil.
Den un wega final teoreticamente pareu na posicion, Daniel Léanez a bai purba pa saca miho bentaha y a dwaal. Jie Peng Wu asina a soru pa un sorpresa ganando e partido den e di dos buelta dje campeonato di club Capablanca.
Danki na e triunfo ei Jie Peng Wu awor tin 2 punto i ta comparti e prome puesto cu Dylan Léañez cu tambe tin 2 punto. Nan dos tabatin cu hunga contra otro den e di tres buelta diasabra awor 16 di september, pero a pospone e partido aki pa motibu di bishita dje legendario agedresista Mericano Alexander Shabalov na Corsou y pues club Capablanca.
E 4 biaha campeon di Merca ta bai hunga na 25 tablero pareu, loke ta conoci como simultaneo den agedres. E actividad aki ta tuma luga den edificio di Frater Aurelio SBO cu ta situa den e hanchi dje restaurant Wine Cellar, pues dilanti di catedral di Pietermaai.
Club Capablanca ta invita tur amante di agedres y pueblo di Corsou pa bin mira
