Durante e di dos tanda di e tratamento di e ley di Raft (Rijkswet Aruba FinancieelToezicht),Parlamento di Aruba a keda presenta cu un mocion for di banda di fraccion di Accion21, MAS y parlamentario independiente Sr. Santos do Nacemento.
Notabel ta, cu parlamentario independiente Sra. Gerlien Croes a tuma e postura di “flip-flop”. Dia 22 di augustus 2023 durante prome tanda, e a sostene e prome mocion pa acorda un Ley di Reino (Rijkswet)y dos siman despues riba 7 di September 2023, e no a firma e version number dos di e mocion pero na final di anochi ta vota pro toch. Esaki ta claramente un postura di no por tuma decision.
Consehonegativoariba e Raft
E “Consensus’Rijkswet” Aruba “Financieeltoezicht” (Raft) a haya diferente conseho negativo, entre otro: Dia 10 di maart 2021 “Raad van State” di Reino a duna un conseho tocante e proposicion di e (Raft), caminda cu Parlamento di Aruba ta spera cu Hulanda ta duna e atencion necesario na e diferente puntonan di atencion cu a bin dilanti. Te cu e dia di awe, no ta parce cu Hulanda a tene cuenta cu e puntonan aki. Dia 10 di maart 2021 Raad van “Advies” di Aruba a duna un conseho cu tocante e proposicion di e (Raft), caminda ta recomenda gobierno di Aruba pa duna e atencion necesario na algun punto cu ta di importancia na momento di yega na areglonan cu gobierno di Hulanda cu ta regarda e Raft. Dia 29 di april 2022, Parlamento di Aruba a trata e (Raft) den un reunion cera. Un gran mayoria tabata preocupa, pasobra e RAFT ta pone Aruba su Parlamento “buitenspel”, pasobra na momento cu bo acepta e RAFT aki, ta “Tweede Kamer” y pueblo Hulandes lo dicidi bida y futuro di ARUBA! Y asina Parlamento di Aruba no por haci uzo mas di su “Budgetrecht”.
Desigualdad di e (Raft)
Na contrario cu nos islanan ruman Corsou y Sint Maarten, na e momento di acepta e “Rijkswet Financieel Toezicht” (RFT) na 2010, nan a ricibi “kwijtschelding” di nan debenan nacional. Awo pa e mes un tipo di “rijkswet” cu Hulanda ta impone ariba Aruba, Hulanda no kier papia di kwijtschelding; pa colmo, sin duna un rason pakico!
Na contrario cu Corsou y Sint Maarten, cu semper ta financia via di Hulanda, ta haya un interes di 3% di nan entrada di gobierno. Anto pa Aruba, lo duna 3.2% si nos acepta e Raft. Si no acept’e, lo mester paga entre 6% cu 8%. Esaki ta un ayudo real cu Hulanda kier brinda Aruba?
Hulanda ta exigi Aruba pa tin un surplus den su presupuesto y tur loke haya na surplus mesterbay pa paga debe. Pero compara cu Corsou y Sint Maarten, nan djis mester tin un “balanced budget” pa por bin na remarca pa prestamo cerca Hulanda. E Raft cu Hulanda kier impone ta basa riba solamente 15% di e debe nacional di Aruba, caminda cu 85% di nos debe ta cu banconan internacional y pa 37 aña nunca nan a exigi un areglo di pago di e forma aki.
E realidad di un RFT!
For di e conseho di e “Evaluatie commissie 2021” “Toezicht en beheer in het teken van groei” (evaluacion di RFT pa añanan 2018-2020). Aki nos por saca afo cu na Corsou y Sint Maarten, na e momento nan aki e supervision financiero cu ta wordo implementa riba e dos isla nan aki, tin efecto nan indesea riba e desaroyo socioeconomico a largo plaso.
“Algemene Rekenkamer” di Corsou a saca su rapport 29 di augustus ultimo, y ta mustra con devastador e situacion economico na Corsou ta.
Pa conclui por bisa, mirando e contenido di e Raft cu Hulanda ta imponiendo a riba Aruba, no por bay di acuerdo cu e proposicion di ley aki manera e ta wordo presenta na e momentonan aki. P’esey mes MEP, RAIZ y AVP cu un total di 16 voto pro a pasa e mocion unda nos ta urgi Gobierno pa sigui negocia cu Hulanda!