Addonsito Croes y Jarissa Dubero di stichting Klein Aruba, ta informa cu 30 di september proximo, na Paseo Herencia, nan ta lansa e proyecto grandi nobo dedica 100% na Carnaval 70. Corda cu ta “Carnaval 70 y cos ya a cuminsa kenta”.
ARTISTA- y DISEÑONAN
E artistanan cu lo ta parti di e lansamento aki ta LONG ROY – Hisa man na laira y TATTOO – Jump with your towell. Tambe Diamond Dancers lo presenta. E anochi aki lo tin 12 modelo cu lo ta presentando e trahenan luhoso nobo diseña pa juffrouw di arte Jarissa Dubero. E grupo nobo aki lo duna un realse n’e cultura Arubano den tur su sentido.
PREMIO
Lo tin premio pa esnan cu bini carnavalesco bisti y pa participante cu ta competi cu nan trahe recycla y trahe cu ya tawata uza den pasado. Premio grandi inclui cash lo tin pa miho head-, shoulder- y bodypiece.
DANKI
Danki special na Arthur Kelly, Zaira Orman-Maya, Leo Rodriguez, Dwayne y Julienne Heronimo, Heidy Boekhoudt, Omar Harms, Rina Geerman, Alberto Groeneveld, Jessica Anthony, Carlos Odor y tur cu ya ta parti di nos idea. Tambe Prensa di Aruba p’e sosten incondicional. Pa informacion por contact Jarissa Dubero 7433446 na of Addonsito na 5602626.
