Fraccion di MAN ta lamenta, abuso contra di empleadonan publico dor di minister di gabinete Pisas

Giselle Mc William lider di Fraccion di MAN ta para pa Husticia social y dignidad humano, ta ke esakinan den mente nos fraccion ta cuestiona y condena e manera cu minister di finansa pa mas cu dos (2) aña caba a bin ta haci su mes culpabel pa atakenan serio den direccion di trahadonan, empleado di e ministerio, hefe nan di departamento di gobierno. Apesar di hopi esfuerso di hopi hende, gremionan den comunidad, toch esaki no a bini ta cambia, contrario, esaki a bin ta bira mas y mas tur dia. Hasta awor nos ta constata cu representante nan di trahado den Gobierno, dirigente nan di sindicato tambe ta keda ataca riba media nan social! MAN ta condena e agresividad aki di parti di minister Silvania, y pidi na mes momento gabinete Pisas pa atende esaki! Pasobra hasta coleganan minister a bin ta ricibi falta di colegialidad te cu mentira y manipulacion di e minister encuestion ta percibi su mes na dje.

Fraccion ta MAN ta pidi atencion di prome minister pa atende e situacion aki, prome cu esaki por sali for di man, Corsou ya ta bou di basta presion, pa cu e hende no ta bay sigui acepta e comportacion indebido di minister Silvania!

Mester proteha privacidad, y integridad di empleado publico, pasobra mescos cu nos ke pe ambtenaar cumpli cu su tarea y respeta su mandatario, nos ta exigi pa e mandatario tambe duna respet y proteha e trahado. Pasobra con gobierno por defende un otro trahado ora un doño di trabou cu ta abusa di su trahado?