E gran bondad di dios pa nos bida

Dios ta bon pa nos esey ta locual tur hende mester reconoce. Tur mainta ora nos lanta for di soño,nos mester gradici Dios, pa su gran bondad, y pasobra e a cuida nos tur momento. Dios tey cu nos 24/7, Dios ta nos bida, y tur locual cu nos tin.

For di Dios ta bini Sanacion, Proteccion, Pas, Goso, Fortalesa, Sabiduria, tur locual cu ta bon ta bini

for di Dios.Ingratitud na Dios ta bini door di falta di conocemento di Dios, of rebeldia, pasobra ta tur hende ta mesun cos dilanti Dios, nos tur ta creaccion di Dios, obra di Su man, kende E a crea den su imagen y semehansa, ningun hende a crea nan mes, ta Dios a crea tur cos.

Nos mester gradici Dios pa nos bida , nos hogar, y nos famia, pasobra ta Dios ta cabes di cas, asina cu

nos purba di reemplasa Dios, nos ta trece crisis den famia, problema, dolor y division den famia,

mientras cu si nos arepenti y pone Dios na prome lugar, nos lo mira gran cambio den tur aspecto di nos bida, y nos lo gosa di Dios su bendicion.

No tin ningun hende, cu por bisa cu Dios a trata nan malo, of bisa cu Dios a lubida riba nan, semper

wak rond na bo mes, y bo realisa cu Dios ta bon, ora algo tarda den bo bida, ta pasobra bo no ta cla pa ricibie, of locual cu bo ta pidi no ta den boluntad di Dios, of Dios tin algo mihor pa bo, y e kier pa bo realisa esey cu bo ta Su yiu, y E tin cos bon pa bo. Sumpiña bo ta haña tur caminda, pero bon fruta ta pari den su temporada.

Tur cos bon tin su tempo, pero pica, maldad, inmoralidad, perversidad violencia,abominacion, bo ta

haña tur caminda. Si nos tur tuma , tempo pa realisa e bondad di Dios den nos bida, nos crecemento, social, matrimonial, spiritual, y financiero,lo ta al dia tur momento, pasobra no tin un area den nos bida cu Dios no presente den dje.

Cos ta bruha ora nos ta haci cos sin consulta Dios, ora nos ta traha riba nos mes plannan, pasobra tin

cos cu nos sa masha bon, cu nan no ta bini di Dios, cu nan ta totalmente for di boluntad di Dios, y toch nos ta sigi pretende.

Oh duna gradicimento na Señor pasobra e ta bon , pasobra su Misericordia ta pa semper.( 1

Cronicanan 16:34). Ki grandi ta Bo bondad cu bo a warda,pa esnan cu tin temor di Bo, cu Bo a prepara pa esnan cu ta tuma refugio den Bo, den presencia di e yuinan di hende!( Salmo 31:19)

Seguramente bondad y misericordia lo siguimi, tur e dianan di mi bida, y lo mi biba den e cas di Señor pa semper. ( Salmo 23:6).

No sea gaña mi rumannan stima: Tur bon regalo y tur don perfecto, ta for di ariba, y ta baha bin for di e Tata di lusnan, serca Kende no tin variacion ni sombra di cambio.( Santiago 1: 17).

Un cos tur hende mester corda locual ta para scirbi den Juan 15:5 : Ami ta e mata di wijndruif, boso ta e ramanan,esun cu keda den Mi,y Ami den dje,esey ta duna hopi fruta, pasobra separa dimi boso no por haci nada. Y Juan 15:7 ta bolbe confirma na nos : Si boso keda den Mi y Mi palabranan keda den boso, pidi tur loke boso kier, y esaki lo wordo haci pa boso.