Ontvanger ta tuma 19 funcionario den servicio

minister di Finansa, den presencia di hefe y lidernan di team, a yama bon bini na 19 funcionario nobo na Ontvanger.Ta trata di 8 funcionario pa e departamento di Cobransa Special, 4 funcionario pa Servicio di Deurwaarder y 7 funcionario pa e Team di Factura. Un parti di e empleadonan aki a traha anteriormente caba pa Ontvanger como trahado temporal y awor nan a drenta den servicio permanente. E otro empleadonan ta bini di otro servicionan di gobierno y/of sector priva.

Cu expansion di e ekipo di Ontvanger, minister ke evita retrasonan den e cobransa loke por causa aumento innecesario den e sistema di cobransa. E ekipo mester percura pa Ontvanger traha mas tanto posibel den actualidad. Esaki ta haci ku e embergadura y composicion di e sistema ta mas manehabel y tambe cu e embergadura ta mas previsibel. Investigacionnan y publicacionnan internacional a demostra cu traha den actualidad ta forma un bon base pa embergadura y efectividad di cobransa di impuestonan y aumento di cumplimento.

Pa e aspecto di cobransa di Servicio di Impuesto, entre tanto a tuma pasonan importante pa elimina retraso y cuminsa traha den actualidad, aunke ainda tin algun reto.

Asina, tumamento di e 19 empleadonan aki den servicio ta contribui na un manera importante na e meta pa laga Servicio di Impuesto traha totalmente den actualidad y aumenta cumplimento.