Den tur e discusionnan cu tin andando den e parti financiero di Aruba ta pidi un atencion riba un proyecto cu ex minister Otmar Oduber ta considera uno sumamente importante pa Pais Aruba y sigur pa e pueblo di San Nicolas, ta construccion di e hotel Secrets.
Manera ya caba ta conoci, e hotel Secrets ta den discusion y den publicidad mirando cu tin un caso cu a keda lanta contra door di desaroyador nan, den e caso aki contra di gobierno di Aruba. E situacion aki tin un impacto enorme pa nos isla. Ex minister Otmar Oduber ta duna di conoce cu hopi biaha nos no ta para keto y analisa e situacion.
Ta haya hopi falta di miembronan di parlamento cu no ta critico, pero tambe di otro politiconan cu no ta activo pa puntra y cuestiona di kico ta pasando cu un desaroyo cu nos tur sa cu desde cu lago a bandona Aruba den añanan 1985 -1986 no tabata solamente un gobierno pero tabata tur gobierno cu a destina e area aki pa un desaroyo turistico y pa focus pa haya un hotel pa e area.
Den pasado hopi intentonan a wordo haci cu diferente minister di turismo y economia. Na e momentonan aki tin un proyecto cu ta andando y lamentablemente for di parlamento no ta yama minister y pa yama e grupo di esnan cu ta responsabel pa asina haya un bista di kico ta pasando cu e hotel Secrets.
Por a compronde cu instancianan y gobierno lo a contesta e pregunta di e bezwaar cu tabatin di parti di dos di e bisiñanan over di e proyecto aki, cu ta significa cu ta cumpli cu e veredicto di hues y cu ta significa cu e proyecto di Secrets lo por continua. Esaki ta puntonan importante y cu lamentablemente no ta bin afo den e discusion den e momentonan aki.
Secrets Aruba ta un proyecto cu a cumpli y a pasa den henter e trayectorio unda cu a cumpli cu tur permiso y tur e exigencia cu tabatin di gobierno pa por ehecuta un proyecto cu Aruba mes ta bin ta busca pa hopi tempo y awo cu Aruba ta casi logra pa e proyecto aki ta un realidad na Aruba e proyecto ta para cu un menasa pa pais Aruba, pero nos no ta reflexiona, cu Aruba ta cu un menasa di un claim milionario cu por tuma luga. Esaki tampoco ta pa motibo di gobierno, pero dos bisiña cu a busca nan derecho via ley pa por salvaguardia nan derecho y a bay corte y na unda cu ya caba gobierno a contesta esaki y e desaroyadonan por continua cu nan trabao.
Sinembargo esaki no kiermen cu e obstaculonan a termina, pero ta hopi straño cu den parlamento di Aruba, fraccion di AVP, MEP, RAIZ y Accion 21 no tin ningun pregunta riba e parti aki. Ex minister Otmar Oduber ta lamenta cu parlamento mes no ta activo y no ta mustra nan sosten pa un proyecto asina grandi pa e pueblo di San Nicolas. Esaki ta un proyecto cu despues cu Refineria Lago lo bira e proyecto mas importante pa e desaroyo di henter comunidad di San Nicolas pa loke ta trata empleo, desaroyo economico den su totalidad.
Na momento cu Hotel Secrets habri su portanan e impacto ta bay ta asina grandi cu tiendanan na San Nicolas lo cuminsa habri, pero tambe e tiendanan cu ainda tey y ta pasando duro na San Nicolas por haya un alivio, unda cu practicamente cu presencia di Hotel Secets na San Nicolas lo ta un solucion pa por crea un economia floreciente pa pariba di Aruba, pero lamentablemente no ta mira parlamento ta busca un manera pa haci algo pa haci e proyecto aki posibel.
No ta un secreto cu na momento cu campaña a cuminsa tur hende ta dirigi pa San Nicolas, e districto di mas grandi di Aruba y cu tin mas votado. Na momento cu yega San Nicolas tur gobierno a priminti desaroyo, pero awe cu tin un desaroyo no ta mira accion di parlamento, cu excepcion di parlamentario Alvin Molina cu si a haci algun pregunta.
1 comment
[…] Source link […]