Parlamentario Misha Raymond: Logopedia no dies desaroyo di habla so

Parlamentario Misha Raymond ta sumamente contento cu e ley di Logopedia cu a keda estableci. E ruta pa por a logra e ley aki a cuminsa prome cu a drenta parlamento. Misha Raymond tin mas cu 10 aña ta traha como Psicologo di mucha y hoben y den e trabaonan di tur dia ta mira hopi reto no solamente psicologico , pero tambe pa desaroyo di e mucha y hoben.

Segun parlamentario di fraccion di RAIZ Misha Raymond un di e retonan cu tabata hopi grandi ta e desaroyo di habla , no ta papia di solamente e muchanan cu tin autismo of cu tin HDAD cu no tin suficiente habilidad pa siña e lenguahe of e reglanan di lenguahe, pero ta mira muchanan cu hopi  potencial cu bon inteligencia pero debi cu nan tin un retraso den nan habla nan no por sigui desaroya.

Pa logra e ley logopedia keda un parti cubri ta un di e metanan cu a campaña cu ne y ta un di e motibonan tambe pa a drenta parlamento pa trece un solucion y cambio den e parti aki. For di e prome dia cu a drenta parlamento a bay busca e ley di AZV y asina mira kico tur tin  den dje pa e parti di logopedia.

Loke cu a descubri ta cu den e ley di AZV plus a inclui logopedia te cu 12 seccion, pero si kier inclui logopedia den pakete basico gobierno lo mester duna e ok pa e keda poni den e pakete basico. Di e manera aki parlamentario Misha Raymond a cuminsa pone man na obra y a cuminsa traha riba dje y a kere cu lo e bay facil, pero e realidad tabata otro.

A warda 20 luna pa e ley di logopedia bay den efecto despues den mocion. A logra manda diferente cartanan pa minister pa asina mira e interes y tambe pusha pa asina haya sa con leu e ley ta y tambe kico mas mester wordo haci pa e ley por pasa cu urgencia pero tambe debidamente. Despues cu no a haya oido despues di varios intento , dia 5 di juli a trata e ley di BBO y a dicidi di tuma un postura pa asina haya oido di e urgencia cu tin pa e ley aki pa asina atende e problematica cu tin den comunidad.

Pa parlamentario Misha Raymond e logro aki ta hopi importante mirando cu e ley ta stipula hopi punto caba cu ta stipula cu ta dicta den e ley di logopedia di AZV plus, dus nan no a bin cu hopi punto of cambio den e concepto nobo, pero locual cu si  ta nobo ta e prijs cu ta e contribucion di AZV y e contribucion di e ciudadano.

E prijs antes tabata 58 florin , pero e biaha aki tin palabracion cu e logopedistanan pa mira na ki prijs por yega mirando cu e prijs ta hopi bieu , pero na mes momento ta tene cuenta cu lo no mester subi e eigenbijdrage  pa e ciudadano tampoco. Na e momentonan aki tin diferente reunionnan andando cu e logopedistanan pa asina hunto yega na un prijs rasonabel.

Tambe den e ley ta poni ki momento si lo por haya un logopedista pa yuda y ki ora no. Loke cu a añadi den e ley ta e parti di e ciudadanonan cu no por carga e 10%  di eigenbijdrage . E grupo aki por haci un apelacion pa asina nan por haya ayudo di e suma cu ta stipula pa por ricibi ayudo di un  logopedist. Sinembargo loke ta un realidad ta cu e grupo cu mas tin mester di dje ta e mamanan soltero of famianan cu no tin e manera pa por yega na e tipo di terapia aki , pero nan tin otro tipo di preocupacionnan cu por tuma over. Si por yega na un acuerdo cu e grupo aki por yega na un acuerdo of por ricibi e servicio aki sin cu nan tin cu paga lo ta sumamente bunita pa yuda e muchanan cu por haya nan tratamento.

Hopi hende ta kere cu logopedia ta dies e desaroyo di habla, sinembargo e reto ta na momento cu e mucha tin dos aña y cu mester siña papia unda cu ta cuminsa haci zonido y cuminsa na bisa mama, papa , awa tur ta trata di sali y asina e mucha ta cuminsa siña papia pa asina nan por comunica y asina por inclui den e bida social.  Logopedia ta yuda e mucha desaroya su mes cu pensamento y sentimento y no ta solamente e lenguahe of nan habla , pero e ta yuda nan desaroya nan identidad unda cu ta yuda nan tambe formula nan emocionnan y a asina formula kende nan ta, pero tambe con nan ta presenta nan mes den un contexto social. Pa parlamentario Misha Raymond e logro aki ta sumamente importante pa e muchanan y sigur ta algo cu e la traha pe pa asina nos muchanan cu tin mester di e ayudo aki pa nan por ricibi esaki y por desaroya den miho manera den nos sociedad.