Spirit Airlines ta aumenta vuelonan semanal pa St. Maarten

Spirit Airlines oficialmente lo expande su vuelo directo pa St. Maarten. E aerolinea low-cost a añadi un di dos buelo semanal desde su regreso na St. Maarten riba 8 di februari di e aña aki entre Fort Lauderdale-Hollywood International Airport (FLL) y St. Maarten su Aeropuerto Internashonal Princess Juliana (SXM). E buelo aki ta complementa e buelo cu ta sali tur siman riba diadomingo for di Fort Lauderdale, cu pa hopi aña tabata e unico buelo for di Fort Lauderdale pa St. Maarten. E buelo di djasabra ta sali for di Fort Lauderdale pa 10:40 AM, aterisando na St. Maarten pa 2:51 PM.

Riba 5 di oktober e servicio aki lo bira 4 biaha pa siman, agregando diasabra y diadomingo na e orario, y cuminsando riba 15 di november, e servicionan di Spirit lo bira servicionan diario. E servicio adicional aki lo trece beneficio economico inmediato na St. Maarten pa medio di un tarifa abou pa viaha entre Merka y e isla chikito den Caribe, Gobierno di St. Maarten ta comparti. Ademas di e servicio sin parada for di su hub di Fort Lauderdale, Spirit tambe lo ofrece un servicio di coneccion for di su red domestico. “Nos ta hopi contento cu Spirit a pone St. Maarten den su plannan di expansion y ta spera crecemento y bon colaboracion entre e trabounan duro hunto cu henter e team di TEATT Ministry y St. Maarten Tourist Bureau, y tambe SXM Airport. Danki na e esfuerzonan, esaki a bira un exito y e ministerio ta aprecia esaki”, Minister Lambriex a bisa. Mi ta spera di sigui discuti cu nos stakeholdernan pa sigura cu nos ta haci tur loke ta posibel pa mantene un bon conectividad y sigui busca maneranan strategico pa sigura cu tarifa di avion ta mas accesibel. E lo tin un impacto positivo riba nos economia”, Minister Labriex a conclui.

Spirit Airlines, Inc., ta un di e aerolineanan di mas grandi di Merca cu un prijs abou, cu su cede na Miramar, Florida, den e area metropolitano di Miami. Spirit ta opera buelonan regular den henter Merca, Caribe y Latino America. Spirit tabata e di shete aerolinea mas grandi na Nort America na 2023, cu un flota di mas di 197 avion cu ta bula pa 83 ciudad.