Celebracion dia di Boneiro: Hunto nos ta forma un comunidad

Dia di Boneiro ta dilanti porta i e aña aki e evento tin como tema: ‘Hunto Nos ta Forma un Comunidad’.

Cu orguyo nos ta enfatisa cu nos ke celebra e 75 diferente nacionalidadnan cu ta biba na Boneiro y e diversidad cultural aki den grandi. E evento ta priminti di bira un dia yen di diberticion, cultura y delicia nan culinario, caminda e enfoke ta riba bini hunto y conecta cu otro.

Fecha y sitio: E festividadnan ta tuma luga riba dia di Boneiro, dia 6 di september, riba e sitio di staciona auto dilanti di Oficina Principal di Gobernacion, cu un antesala awe 5 di september na

Plaza Wilhelmina, e plenchi yen di ambiente banda di El Mundo Restaurant for di 19:00 or te 22:00 or.

Antesala 5 di september: E antesala di diamars anochi ta ofrece un preludio festivo como preparacion pa e dia principal. E programa ta encera varios presentacion di gruponan di musica y di entretenimento local, entre otro: Grupo Formashon Musikal Krioyo (FMK),Farley’s Entertainment Band,Grupo ESO

Disfruta di un variedad amplio di delicia nan culinario y bebidanan refrescante. Dia principal 6 di september: Riba diaranson 6 di september e programa oficial ta cuminsa pa 9:00 or cu un sesion protocolar cu ta dura te 12:00 or. Aki Entidad Publico Boneiro ta spera presencia di representantenan y huesped nan importante pa pone enfasis riba importancia di nos comunidad y pa haci apertura oficial di e festividadnan.

Despues e dia ta sigui cu un programa cultural cu ta dura te 00:30 or. Durante e programa cultural

lo tin un Simadan tambe cu ta cuminsa pa 14:00 or na Cas di Regatta y lo continua bailando te na Parke Wilhelmina. E Simadan lo ta habri pa publico. Pues nos ke descurasha un y tur pa participa. E celebracion no ta caba akinan. Anochi tambe tur hende por gosa na abundancia di programanan cultural y  di entretenimento, caminda e punto culminante ta na encargo di Magic Sound, cu ta cera e anochi aki.

E aña aki tin no menos cu 75 tent cu a registra pa e evento. E tentnan aki ta ofrece un variedad di cushina y expresion artistico, loke ta refleha e diversidad y rikesa di nos comunidad. Hunto nos ta forma un comunidad: Celebracion di nos comunidad diverso ta forma e curason di

Dia di Boneiro 2023. Pa 18:45 or diputado di cultura Pablo James Kroon ta tene un discurso pa habri e festividadnan oficialmente. Despues di e apertura cada grupo ta haña un ora di tempo pa presenta nan contribucion cultural.