Hefe di Weerkamer na Corsou Andy Luciano ta duna boletin di siman. E situacion cu e tempo tin awe unda cu tin dos disturbio indica den oceano Atlantico ta move lentamente den direccion west noord west . Un di nan tin e posibilidad halto pa desaroya den un ciclon tropical durante di e proximo 5 dianan.
Mas leu ciclon Gert y Katia ta ubica den e parti noord di oceano Atlantico ta move lentamente den direccion noord of oost noord den e proximo dianan. Un cantidad di 12 sistema cu a logra forma durante di e temporada di horcan 2023. Un cantidad di 12 sistema cu a logra haya nomber y na unda cu tres di nan a bira horcan y dos a sigui desaroya y bira un horcan mayo. E analisis cu tabatin den oranan di ayera mainta ciclon tropical Gert y Katia ta den e parti noord di Atlantico cu ta sigui move lentamente den direccion noord.
Tin un ola tropical cu a crusa e area di Aruba, Boneiro y Corsou durante di e ultimo 24 ora y ta sigui move den un direccion west alehando su mes for di nos region. For di e imagennan di satelite a mira un gran cantidad di nubia di nivelnan mas halto a crusa e region di Aruba , Boneiro y Corsou durante di oranan di mainta. Durante di e proximo dianan no ta anticipa mucho actividad di yobida den e region di Aruba, Boneiro y Corsou.
Segun Hefe di Weerkamer na Corsou durante di e ultimo 5 dianan a indica cu tin un disturbio cu por bira un ciclon y cu probablemente durante di weekend venidero cu lo crusa noord di st maarten y Puerto rico durante di diasabra y diadomingo awo, esaki ta significa cu biento pa e islanan den Caribe probablemente por baha di intensidad y esaki lo causa calor durante di diadomingo te cu comienso di dialuna. E pronostico di e proximo 5 dianan por tin un awa chikito den region di Aruba , Boneiro y Corsou , mas leu temperaturanan un poco halto.