Empresarionan di Colombia ta explora Curaçao como base pa expande nan negoshi

Un grupo di empresario di Colombia di e ciudad nan di Medellín, Maicao, Río Hacha y Dibulla a bishita Curaçao cu e obhetivo di explora e posibilidad nan pa expande nan negoshi afo di Colombia. Na e ocasion aki, e delegacion a ser dirigi door di e representante di Dibulla, Sr. Marlon Amaya, y e mayor di Maicao, Sr. Mohamad Haij.

E delegacion a conoce y a explora e oportunidadnan cu ta ofrece e zona economico y e parkenan industrial. Ganesh, ta un empresa estableci den e zona economico pa basta aña, y a duna bon bini na e delegacion durante nan bishita na e zona economico di Koningsplein. E Sr. Gulu Buxani y su team a intercambia ideanan cu e empresarionan.

Como parti di e bishita na Curaçao, Curaçao Industrial and International Trade Development Company N.V. (Curinde) y Agribusiness a organisa un evento de networking pa e grupo di Colombiano por a conecta cu empresarionan local y asina explora e posibilidad nan di negoshi. Na e ocasion aki, e Minister Ornelio Martina a bisa algun palabra den representacion di e Minister di Desaroyo Economico, señor Ruisandro Cijntje.

E bishita aki di e delegacion di Colombia ta un esfuerso conhunto cu Curinde y Agronegocios. Curaçao tin un memorandum di entendimento firma cu Rio Hacha y tin e intencion di uza esaki pa expande e actividadnan economico. E empresarionan, na su mayoria den e sector productivo, a mustra di ta anima cu e posibilidadnan cu Curinde y Curaçao  por ofrece nan pa continua cu e desaroyo di e actividadnan. Di e manera aki nan lo por yega na mas mercadonan via di e plataforma di parkenan empresarial di Curinde.

Curinde a expresa su gradicimento na CTB, na e Minister di Desaroyo Economico, na e Sr. Buxani di Ganesh y na e sector priva cu a contribui pa e bishita aki tabata un exito. Curinde ta continua y a haci su best pa trece mas actividad economico pa Curaçao, manera e zonanan economico pa e parkenan industrial.

Potret y pressrelease – curacaochronicle