Awe dia prome di September ta un dia hopi special pa fundacion Alzheimer y e aña aki ta celebra 20 aña di aniversario di e fundacion. Henter e luna di september ta bay ta un luna di dedicacion y informacion di Alzhemer na Aruba. Melva Croes Yaniz Presidente di fundacion Alzheimer Aruba ta duna di conoce cu lo informa y educa e comunidad y riba e fecha special cu ta 21 di september lo ta hopi mas special ainda unda cu lo haci un simposio.
Lo conta e 20 aña di experiencia den e ramo aki y lo comparti cu comunidad di Aruba. A dicidi durante di henter e luna regularmente lo haci un racha di informacion. Aunke hopi hende no sa e logo di Alzheimer ta significa pero abo por reconoce e fundacion den esaki. Sinembargo e palabra Alzheimer algun aña atras no ta conoci, pero Aruba a pone esaki riba mapa di mundo na momento cu a duna un splicacion di esaki como fundacion.
Segun Melva Croes Yaniz Presidente di fundaicon Alzheimer Aruba na 1999 na momento cu e cuminsa y a haci diferente investigacionnan pa mira si berdaderamente Aruba tin mester di un fundacion pa trata personanan cu Alzheimer. Segun sra Melva Croes Yaniz Presidente di fundacion Alzheimer Aruba e la cuminsa cu un investigacion di cuanto persona na Aruba tin cu Alzheimer y kico ta nan edad e tempo ey.
Tambe a haci diferente investigacionnan riba diferente institutonan cu tabata traha e tempo ey cu hende grandi. Loke ta un realidad cu Alzheimer mayoria persona na un edad halto ta haya esaki. E persona mas jong cu a keda detecta cu Alzheimer tabata un persona di 44 aña e tempo ey. Fundacion Alzheimer a haci un investigacion y a colecta cifranan y haya sa di e situacion di Aruba su hendenan cu tin persona cu Alzheimer.
Den aña 1999 sra Melva Croes Yaniz Presidente di fundacion Alzheimer Aruba tabata e unico Neiropsicologo na Aruba pa hende grandi y mucha e tempo ey. Hopi a ser detecta, pero na mes momento a realisa cu hopi hende no sa mucho di e malesa y hopi no ta compronde kico e malesa ta encera, asina e trabaonan pa fundacion Alzheimer Aruba unda cu a cuminsa informa y educa e comunidad di Aruba pa asina sa mas di e malesa.
Antes tabatin hopi comprension di e yiu pa nan mayor, pero pa e tempo nan aki e situacionnan a cambia. Banda di tur esaki hopi abuso tabata pasa y hopi di e persona nan aki no tabatin un bida digno pa e tempo ey. Tambe fundacion Alzheimer den un manera hopi bunita Web Aruba NV ta sostene e fundacion y e rotonde di Web Aruba NV lo keda dorna y asina tur hende por mira y busca mas informacion di e fundacion, pero principalmente pa haya sa mas di loke e personanan cu tin alzheimer y con por atende cu nan.
1 comment
[…] Source link […]