Pastor Marcel Balootje: No laga satanas horta bo identidad

Palabra di Dios ta bisa den Juan 8:32: Y boso lo conoce e berdad y berdad lo haci boso liber.

No ta un chansa, no ta fakenews, pero ta algo berdadero cu a cuminsa for di principio di mundu y cu tur dia hende pa falta di conocemento ta coopera cu diabel pa horta nan identidad.

Tur cos a cuminsa den hoffi di Eden caminda diabel a horta identidad di e colebra y asina gaña Eva, y Eva a pasa mesun mentira pa Adam, y Adam a bira e culpable, pasobra Dios a papia cu nan y e tabata sa masha bon cu esaki no por, y estando hunto cu Eva e no a para, e maldad, sino e a bay di acuerdo,asina Adam a peca.

Ora hende ta bay di acuerdo cu otro den maldad bo tambe ta bira malbado, pasobra bo tabata sa y no a para e asunto, ni tampoco denuncia na autoridad.

Cuanto hende awe no ta yora pa nan yiu, of ser keri kende ta den prison of den santana.

E di dos cu nos tur conoce ta historia di Esau y Jacob, Jacob a horta Esau su identidad cu yudansa di su mama Rebeca.

Pasobra Rebeca a scucha Isaac bisa Esau pa e bay jaag y cushina un plato sabroso pe y Isaac lo bendiciona Esau.

Rebeca a bisa Jacob pa disfrasa na Esau, pa asina e haña e bendicion, y Jacob a contesta su mama,podise mi tata por bay fulami , pasobra mi ruman ta un homber tur na cabey y ami no, ey lo mi ta manera un gañado den su bista y lo mi trece maldicion riba mi mes y no bendicion.

!Ma su mama a bise bo maldicion, sea riba mi, solamente obedece mi bos.(Genesis 27:13).Historia ta conta cu despues di e dia ey nunca mas Rebeca a mira su yiu, y nos tur sa cuanto problema y lucha Jacob a pasa aden te ora cu e a topa cu e Angel di Dios.(Genesis 32:26-29).

Na principio Dios a crea hende den su imagen y semehansa ( Genesis 1:26-28).

Dios a crea homber y muher, pesey nos tin di compronde cu tur locual, ta gaña hende purbando di sacanan for di e forma original di creacion di Dios, tanto fisico como mental ta un robo di indentidad causa pa e diabel.

Sea mente habri y compronde, cu e cosnan negativo rond di nos cu nos ta haci wega cune, y ya a tuma nan pa custumber, ta cosnan cu solamente Dios por libra hende di dje.( 2 Corintionan 10:3-6).

Tur locual negativamente ta cambia hende su fisico y su mente ta un robo di identidad.

Ta ken no a tende di : Adiccion, Buracheria,Adulterio,Pedofiel, habito Homosexual y Lesbiana,y awor e asunto di Genero ,Bruheria , Criminal,Abusador,Violador,Idolatria, Mentiroso etc, tur e cosnan aki cu tabata existi pa hopi siglo caba, pero den ultimo tempo varios a cambia nomber, ta keda un prueba di ladronicia di identidad cu diabel ta bezig cune.

Laga nos compronde awor dicon Hesus a bisa lo siguiente: E ladron a bini pa horta, pa mata y pa destrui, Ami a bin pa nan tin bida y pa nan tine na abundancia.

Den Mateo 13:30-36-43, nos ta haña un splicacion amplio kico a pasa y kico ta bay pasa.

Den 2 Corintionan 11:3 Pablo ta bisa: Ma mi tin miedo, cu mescos cu e colebra a gaña Eva,cu su astucia,boso mentenan lo wordo desvia for di e debocion simpel y puro na Cristo.

Nos ta bibando den tempo trabahoso, y tur cos ta saliendo na claridad.