Su Excelencia Ajamu Baly a haci un bishita di trabou na Corsou

E bishita di Excelencia Ajamu Baly tabata uno pa informa otro di e desaroyonan cu ta andando den Reino Hulandes, a reuni cu Gobernador di Corsou, Sra. Lucille George-Wout. Nan a discuti e ultimo desaroyonan den nan pais y den Reino.

Gobernador a topa tambe cu Dr. Francis de Lanoy, Profesor Flora Goudappel y Sr. Raymond Kertokarijo di Universidad di Curaçao. Nan a discuti e experencia cu e programa di pre-law cu e universidad a desaroya y ta ofrece na Sint Maarten, cu despues di a termin’é cu exito ta permiti studiantenan pa pasa na e programa di BA-MA Law. E universidad tambe ta ofrece un programa di Bachelor of Laws na nan division Sint Maarten. E programanan di Universidad di Curaçao ta acredita pa e Organisacion di Acreditacion Hulandes-Flamenko (NVAO).

Huntu cu Gobernador di Corsou, Sra. Lucille George-Wout y Gobernador di Aruba, Sr. Alfonso Boekhoudt, Gobernador di Baly a asisti na e cambio di mando di e Comandante di Marina Real Hulandes na Caribe.