Colaboracion riba tereno hudicial entre islanan den reino Hulandes y Surnam

Actualmente Minister di Husticia di curacao Shalten Hato, Minister di Husticia di Aruba Rocco Tjon y Minister di Husticia di Sint Maarten, sra. Richardson hunto  ta na Sürnam riba invitacion di Minister di Hustisia Surnameo, sr. Amoksie Den un afan pa intensifica siguridad publico Ministernan ta participa na e biahe di trabou aki pa cera algun acuerdo concreto pa intensiva colaboracion strategico den e cadena hudicial.

Unicamente dor di colabora hunto cu partnernan den Reino y den bisindario hunto por uza ‘’best practices’’ pa sirbi nos comunidadnan aún mas miho. Mirando similaridad nan den oportunidad y menasanan den e paisnan den Reino ta mas cu logico pa traha hunto pa combati criminalidad.

Den e biahe di trabou na Sürnam Ministernan a trata topiconan manera regisor di bario, criminalidad cu ta mina, proyectonan di resocialisacion di personanan encarcela, proyecto di camara y maneho regardando indocumentado.

E biahe di trabou lo contene adicionalmente  bishitanan na entre otro Opa Doeli (sentro penitensiario pa hoben), departamento di crimen pisa, academia di polis, prizon Santo Boma, Corte di Husticia, Ministerio Publico, Minister di Asuntonan Exterior y tambe bishita na e presidente Surnameo. E meta di e biahe aki ta pa firma un letter of intent pa intensiva cooperacion den e cadena hudicial entre e cuater paisnan.