Actualmente tin un preocupacion y hopi stress den hospital. Tur departamento na hospital ta bao di preocupacion y tension door di exigencianan di director di Hospital. Aunke cu Hospital ta paga un compania priva di mercado pa ilustra felicidad y na unda cu ta saca tur luna un empleado di luna, tras di e elegancia ey tin un tristesa y un dolor inmenso riba e maneho di hospital. Tur luna tin un empleado di luna, pero na e otro banda e ta terorisando e specialistanan caro y cu nivel pa nan bay for di Aruba.
EA news den su postbus a ricibi un carta di preocupacion cu e trahadonan den silencio no por mas cu e situacion aki, pero ta biba un cultura di miedo den henter organo di hospital incluyendo gerencia di hospital.
Wachtlijst na Hospital pa ginecologia y medicina interno a subi pa mas cu 10 luna, esaki ta pone cu na momento cu tin un situacion cu si un persona ta sangra na momento cu ta bay af, e ciudadano no lo por warda 10 luna of mas pa un dokter. Na Aruba tabatin algun gineacologo bon, pero lamentablemente dos so a resta cu por tin afspraak na nan. Segun indicacion na esunnan preocupa na Hospital pa december no tin garantia pa e ciudadano /pashent lo por yega na turno pa un gineacologo por wak nan.
Tambe den e carta laga den postbus di EA News ta indica cu director di hospital actual ta menasa,gaña y ter su specialistanan cu un pa un a causa di esaki ta bandona Aruba debi cu nan ta cansa cu e trato y wanta terorisacion cu e director actual cu ta un Europueo Hulandes cu ta na cabes di hospital. Tambe tin indicacion cu e hunta di supervision no ta actua y no ta haci nada pero cu ta keto keto y ta laga y permiti un Europeo Hulandes cu no tin curason pa isla di Aruba kibra cuido na Aruba.
Tambe e trahadornan cu a vocifera entre un carta anonimo cu a yega na postbus di EANews ta indica cu e director actual ta un narcista y tin placer na momento cu ta terorisa e trahadonan. E pregunta ta keda unda e minister di Salubridad ta? Of e tambe ta di acuerdo cu e maneho aki ? Unda AZV ta ? e preguntanan cu ta keda haci , Esaki ta e manera cu ta save placa ? unda cu ta core cu bon dokter y pone dokternan cheap den nan luga cu no sa e diferencia entre e idioma Hulandes of Ingles, corda papiamento, pero cu tampoco no sa unda pa hinca un spuit.
Tambe tin indicacion cu tampoco dokternan cu ta bin Aruba awo no ta haya contract nan largo y tur dokter cu bin ta haya contracto di corto plaso, esaki ta e manera cu e director ta uza pa asina e keda cu e poder y manipulacion cu na momento cu e no ta gusta algo e tin e poder di termina e contracto.
Di e 100 Specialistanan cu hospital tin actualmente mas cu 20 a bay y a keda mas of menos 89. Pa por haya dokter temporal ta paga 12 mil florin euro cu ta 24 mil florin, pero no mag/por keda pa un termino largo.
Actualmente tin un tension na hospital unda cu tur hende tin miedo pa papia pa no bira e siguiente victima di e director y perde nan trabao. E realidad ta cu na e momentonan aki e apotecarionan di hospital ta gana mes hopi cu un specialista. Con esaki por ta?”Divide and Conquer “ pero keto bay Hunta di supervision ta boca keto.
Na mes momento den e carta ta haci un apelacion pa e hende nan no bira malo debi cu tur siman hospital ta manda informacion pa instancianan di cuido pa no manda pashent, debi cu no tin luga, pero na e mes momento tur dia tin hende ta muriendo den e unico hospital cu Aruba tin. Diferente dokternan yiu di tera ta buscando caminda pa bay for di Aruba door di e director actual cu ta un dictador y no tin ni e nivel di un dokter, pero tin un diploma di un assistent di operacion. Ta increibel cu hunta di supervision a opta pa pone un assistent di dokter den camber di operacion como director di un hospital. Con por ta? Unda control y calidad a keda? Ta na su luga pa instancianan necesario manera comision di calidad of inspectie di Aruba investiga esaki y cuminsa saca un rapport y tuma decisionnan necesario pa un miho trato na trahadonan y maneho di Hospital y e cuido medico na Aruba pa e ciudadanonan di Aruba.
Den mes rosea EA News a acerca Minister di Salubridad Publico Dangui Oduber pa asina haya sa si berdaderamente e ta na altura di e situacion nan aki cu ta pasando na Hospital y of si esaki ta cuadra cu realidad, pero un silencio hermetico a keda. Sinembargo Asina siman habri EA News lo tuma contact cu tanto AZV cu ta duna trabao na e dokternan, y tambe hospital.
