Falta di respet ta aumentando gravemente riba mundo contra e palabra di Dios, nos ta mira con hende nan ta demostra con nan ta adora diabel, sin ningun clase di berguensa, y hasta opone fuertemente contra tur esnan cu kier trece coreccion, nan ta contra e Palabra ,Principio y Standarte di Dios.
Mas tristo awor cu tin leynan terenal cu ta apoya inmoralidad, cual cu nan ta usa pa provoca Dios.
Nos tur tin di corda cu ora ta trata di Dios, no tin asunto cu un hende ta para na banda y bisa mi ta neutral.
Ta para scirbi den Lucas 11: 23 Hesus ta bisa lo siguiente: Esun cu no ta cu Mi ,ta contra Mi, y esun cu no ta recohe hunto cu Mi ta plama.
Tin dos decision cu hende por tuma riba e mundo aki, sea Bida Eterno cu Cristo Hesus ( Juan 3:16-18) of morto Eterno den fierno.Ta tempo pa tur hende sa e berdad, con duro cu e por zona, y nos yuinan mester sa esey for di chikito, pasobra hopi cos malo ta wordo pusha den mente di mucha for di chikito, awel mester ta posibel pa cuminsa siña nan e Berdad for di chikito.
Pa tur esnan cu no sa, of a lubida, of ta rechasa/chercha, y pone Cristo Hesus un banda, nos kier refresca memoria di tur hende pa hunto nos por recorda ken Cristo Hesus ta:
Juan 6:35: Hesus ta bisa, Ami ta e pan di bida,esun cu bini serca Mi lo no haña hamber, y esun cu kere den Mi lo no haña set nunca.
Juan 8:14: Hesus ta bisa: Ami ta e lus di mundo, esun cu sigi Mi, lo no cana den scuridad, ma lo tin e lus di bida.
Juan 10:9: Hesus ta bisa Ami ta e porta,si un hende drenta door di Mi, E lo ta salba, y lo drenta y sali y haña yerba berde.
Juan 10:10 Hesus ta bisa: E ladron ( satanas) ta bini solamente pa horta, pa mata, y pa destrui, Ami a bin pa nan tin bida y pa nan tin e na abundancia.
Juan 10:11 Hesus ta bisa: Ami ta e ta e bon wardado, e bon wardado ta duna Su bida pa Su carnenan.
Juan 10:14 Hesus ta bisa: Ami ta e bon wardado,y Mi conoce esnan cu ta di Mi, y esnan cu ta di Mi conoce Mi.
Juan 14:6 Hesus ta bisa : Ami ta e Caminda, e Berdad, y e bida, ningun hende no ta bini serca e Tata, sino pa medio di Mi.
Juan 15:1 Hesus ta bisa: Ami ta e berdadero mata di wijndruif, y mi Tata ta e cunukero.
Juan 15:5 Hesus ta bisa: Ami ta e mata di wijndruif, boso ta e ramanan, esun cu keda den Mi, y Ami den dje, esey ta duna hopi fruta, pasobra separa di Mi,boso no por haci nada.
Pesey tambe Dios a halse te na haltura nan, y a dune e nomber riba tur nomber,cu pa e nomber di Hesus tur rudia mester dobla di esnan cu ta den cielo, y riba tera,y bao di tera, y cu tur lenga mester confesa cu Hesus Cristo ta Señor pa e gloria di Dios Tata. ( Filipensenan 2:9-11).
Cristo Hesus ta mesun di ayera, awe, y pa semper nada no a cambia, e ta Rey pa eternidad, ningun rebeldia, ningun aumento di inmoralidad, tampoco rechaso di hende, por mishi cu e Santidad y Autoridad di nos Señor Cristo Hesus.
Ta tempo pa reconoce y entrega nos bida na Cristo Hesus.
