Libertad di expresion no ta sin limite

Media na Aruba ta mescos cu comunidad di Aruba hopi politiza. 

No ta bacila pa expresa na un manera ofensivo y humiliante tocante personanan, tocante Polis, tocante Landsrecherche, tocante Ministerio Publico  of tocante ken cu ta.

Libertad di expresion ta un di e principionan mas importante di un estado di derecho democratico.

Pensamentonan cu por ofende of preocupa otronan ta permiti.

Di politiconan, agentenan policial, recherchinan di Landsrecherche y miembronan di Ministerio Publico ta wordo spera mas cu di cualkier otro ciudadano, pero no ta asina cu nan ta pafor di ley.

Libertad di opinion no ta sin limite. Bao condicionnan legal y estricto libertad di opinion ta limita.

Esaki ta regla entre otro den EVRM (Tratado Europeo pa Derechonan Humano). Aki ta trata por ehempel di hechonan castigable manera agitacion, menaza y e asina yama articulonan di insulto.

E hechonan castigable aki ta para den Codico Penal di Aruba. Agitacion ta ora instiga hende pa haci algo cu ta prohibi. Dor di agitacion un persona por pone ciudadanonan comete hechonan castigable.

Dor di menaza un persona, ta causele sufrimento of violencia. Un insulto ta un expresion ofensivo cu ta atacha honor y bon nomber di hende.

Ora e tipo di mensahenan aki wordo poni den medionan di comunicacion, por haci denuncia y si tin suficiente indicacionnan lo start un investigacion penal cu por hiba hasta na detencion.

By the way, a base di ley civil por actua mucho mas efectivo contra e tipo di abusonan aki. Ora di comete hechonan castigable por trata tambe di un acto ilegitimo, caminda huez por (por ehempel) impone daño y perhuicio. Of un prohibicion pa publica. Tin casonan conoci caminda hendenan a wordo kita for di trabao pa nan doño di trabao. Tambe violacion di privacidad por hiba na un acto ilegitimo den ley civil.