Intimidad ta hiba na santidad y santidad ta hiba na bida eterna.
Aspira pa tin pas cu tur hende, y santificacion, sin cual ningun hende lo mira Señor. ( Hebreonan 12:4).
!! Santidad di Señor ta Presente.
!! Santidad di Señor ta Poderoso
!! Santidad di Señor ta Infinito.
!! Santidad di Señor ta Incomparable.
Pa un hende yega na Intimidad cu Señor, y Santidad den Señor e mester entrega su bida na Cristo Hesus y biba pa Cristo Hesus, esey ta nifica un bida aparta di malisia y inmoralidad.
Tur esnan cu ta kere cu bo por biba un bida dobbel, yena cu inmoralidad, orguyo, y falsedad, haciendo bofon di Dios ta grandemente ekiboca.( Galationan 6:7-8).
Ora bo tin intimidad cu Señor lo bo cumpli cu e mision cu Dios a duna bo, enbes di busca bo propio ambicion.
Intimidad cu Dios ta e yabi pa curashi, y curashi ta e yabi pa milager.
Pasobra hende mester tin Curashi, Confiansa y Fe pa usa e nomber di Hesus Cristo di Nazaret.
Den Hechonan 3:3 en adelante , nos por lesa con Pedro y Juan a usa e nomber di Hesus, Pedro a bisa e homber cu a nace lam for di den barica di su mama, un persona cu nunca no a cana, wak nos, plata y oro mi no tin , ma loke cu mi tin mi ta duna bo.Den e nomber di Hesus Cristo di Nazaret , cana, y Pedro y cohe na su man drechi y lante, y mesora su pianan y su enkelnan a haña forsa.
Awor ora nan a mira e confiansa di Pedro y Juan y a compronde cu nan no tabata homber educa ni siña, nan a keda straña y a reconoce, cu nan ta hende cu tabata cana cu Hesus.( Hechonan 4:13).
Intimidad cu Dios ta kita cobardia. David no tabata un militar, e tabata un wardado di carne, pero e a enfrenta Goliat den e intimidad y confiansa cu e tabatin cu Dios, aki nan tur hende por nota e balor di tin intimidad cu Dios. Pasobra intimidad cu Dios, ta duna hende forsa pa vence maldad.( Daniel 6:21-22).
Ora bo tin intimidad cu Dios , e por causa envidia serca hende carnal cu no ta pasa tempo cu Dios. ( Daniel 6:3-5).
Ora bo tin intimidad cu Dios bo no ta identifica bo mes cu bo pasado, pasobra ta para scirbi: Pesey si un persona ta den Cristo, ta un criatura nobo e ta, e cosnan bieu a pasa caba, ata, tur cos a bira nobo.
Ora bo tin intimidad cu Dios bo ta pordona, pasobra ta para scirbi: Ami, si Ami ta Esun cu ta kita bo trangreshonnan pa mi mes causa, y lo Mi no corda bo picanan. ( Isaias 43:25).
Ora bo tin intimidad cu Dios bo ta hustifica: Pasobra ta para scirbi: E a haci Esun, kende no conoce pica, bira pica pa nos, pa nos por bira e husticia di Dios den dj’E. ( 2 Corintionan 5:21).
Ora bo tin intimidad cu Dios lo sana bo: Pasobra ta para scirbi: E a wordo trapasa pa nos trangreshonan, e a wordo golpia pa nos inikidadnan. E castigo cu a trece pas pa nos tabata riba dj’E. Y pa medio di su heridanan nos ta cura.
Pasobra Dios no a yama nos pa ta impuro, ma pa biba un bida santo, y esun cu rechasa esaki no ta hende e a rechasa sino e Dios,cu ta duna su Spirito Santo na boso.( 1 Thesolonisensenan 4:7).