Hulanda a celebra un Zomer Carnaval den grandi. Aña pa aña e actividad aki ta bira mas grandi y hopi ta e Arubianonan cu ta participa den e tipo di actividadnan asina na Hulanda. Orwin Gomes a keda corona como Rey di Zomer Carnaval. Sinembargo e logro aki e no a logre su so, e trayectorio tabata hopi largo pero na final a logra e meta final. Den un entrevista cu aki so bo ta mire Orwin Gomes ta conta nos di EA News di su experencia.
E preparacion pa por bay competi na un competencia asina grandi pa Rey di Zomer Carnaval no tabata facil for di un aña pasa a cuminsa prepara. Poco poco a cuminsa spaar, a cuminsa busca conexionnan. Banda di esaki ya caba tabata conoce e famoso Andrew Curiel cu ta un diseñador profesional di Aruba y a acerca su persona pa ayudo y Andrew Curiel no a duda y a cuminsa pone man na obra. Na momento cu e participa a representa e grupo di Rossini van Wijk Kingdoms Under The Sun y asina a cuminsa traha e team y hunto a traha riba henter e proyecto te dia di e grandioso dia cu tabata 8 di juli ultimo unda cu e anochi final a keda corona como Rey di Zomer Carnaval.
Sinembargo tur e materialnan cu a keda uza a keda traha na Aruba unda cu famia na Aruba tambe a pone man na obra, mama a pega stenchi, tio a welder, tanchi a yuda organisa tur cos pa na Aruba tur cos cana bon pa e materialnan por yega Hulanda pa e gran anochi. Famia na Aruba a duna un man mirando cu na Hulanda ta dificil pa por logra haci tur cos, pero prinsipalmente pa forma un team cu ta para bo tras, pero banda di esey na Hulanda tur cos ta placa y aki ta caminda cu famia a hunga un rol hopi grandi unda cu a sosotenemi y a yudami pa mi por a logra, Asina Rey di Zomer Carnaval Orwin Gomes ta duna di conoce.
No por exclui cu na ultimo momento diferente cosnan por pasa, pero esey ta parti di Carnaval y ta comprendibel tambe. Pero na final di e anochi a gana e titulo maximo di Rey di Zomer Carnaval,, pero tambe a bay cu e Best Costum y esaki ta danki na henter famia y sigur Andrew Curiel cu a yuda incansablemente. Potret facebook Joke shot