Turtuga Foundation for di basta aña caba ta monitoria e drikiel Luna. Pa basta aña caba a pone un chip den e turtuga unda cu asina e ta keda monitoria y sa unda e ta bay y na varios ocasion ta bishita Aruba. Den e ultimo dianan aki e fundacion ta indica cu nan a tuma nota cu e driekiel Luna a regresa Caribe den un temporada cu no tabata tempo di broei ainda. E ultimo dos lunanan e la keda den zuid di Caribe, cerca di Venezuela. Mayoria di e muhenan cu tabata broei na 2023 ta bandona Caribe awor, y ta bolbe na nan area di cuminda den Ocean Atlantico. Esaki sigur ta un desaroyo interesante cu e fundacion ta sigui pa sa kico ta e rumbo y pensamento di e desaroyo di e driekielnan cu ta bishita Aruba, pero principalmente Driekiel Luna. Fuente: Página di Facebook di Turtugaruba Foundation.
1 comment
[…] Source link […]