Diferente Puppys riba caya sin destinacion

Diferente instancia ta papia dia y anochi riba proteccion di animal, kico ta un deber di un doño di un bestia mester tene na cuenta na dje, sinembargo te ainda tin algun persona cu no ta consciente of ta demasiado iresponsabel pa loke ta concerni nan debernan como mayor di e animalnan aki.

Aruba hasta tin un ley cu mester atende cu ne, pero loke cu ta mira ainda cu na varios caminda rond di Aruba tin diferente cacho y pushinan cu ta cana los y ta busca cuminda den diferente curanan cu nan presenta dilanti di dje.

Esaki sigur ta un situacion fastioso y no aceptabel. Un cacho merece di tin un hogar y tin e atencion debido. Mirando e Puppysnan aki cu ta cana sin direccion y hopi desneutra no ta duna Aruba un bon impresion y imagen. Ta spera cu doño di e cachonan aki por tuma nan responsabilidad of departamentonan concerni por tuma accion y kita e animalnan aki for di caminda pa un miho bida.