Un anochi sigur cu decisionnan cla y raspa a tuma luga na auditorio di EPI, clubnan di futbol na Aruba a papia cla y raspa, e 4 hobennan dinamico a casi bay completo den e bestuur unda cu pa 1 punto so Gilmar Croes a keda afo den e 4 hobennan cu a postula nan mes como un team cu kier trece un cambio den AVB. Ta papia aki di Jomar Boekhoudt 30 voto ,Devin den Veer26 voto ,Raymbert Bikker 24 y Mildret wever cu 21 voto ta forma e bestuur nobo di AVB pa dos aña. Sigur un anochi cu hopi tension pero cu un logro pa mehoracion di futbol den AVB. Awor e bestuur nobo aki ta esun cu lo mester demostra loke cu nan a priminti y ta spera cu e unico di e bestuur bieu por traha hunto cu e bestuur nobo na bienestar di AVB general. Sinembargo awo mester duna espacio pa wak si berdaderamente ta traha como un team cu e bestuur nobo EA news lo keda monitoria e desaroyo di AVB mas di cerca pa un calidad y mira tambe si berdaderamente e team aki si lo cumpli cu loke nan a campaña cu ne. Un pabien na e team completo cu lo dirigi presidente di AVB Randolf Lacle pa un miho calidad di maneho di AVB na Aruba pa nos futuro generacion.
