Den e buki di Numbernan capitulo 14: 34 Señor Dios ta splica hopi cla, kico ta pasa ora hende rebeldia y murmura contra Dios, con nan lo tin di enfrenta oposicion di Dios.
Awendia tin hopi hende ta cana rond, papiando di “Haters” cu nan tin hende contra nan, cu nan tin hende cu no gusta nan, y hopi otro cos, pero tin hopi cu no sa cu ta door di nan rebeldia contra Dios, nan ta sinti nan mes wordo rechasa, pasobra ora hende ta den rebeldia y murmuracion, bo ta lanta e rabia di Dios y Dios ta bira contra bo.
Isaias 63:10 ta para scirbi: Ma nan a rebeldia, y a haci Su Spiritu Santo tristo, pesey E a cambia bira nan enemigo, E a bringa contra nan.
2 Pedro 2:4 ta para scirbi: Pasobra si Dios no a spaar angelnan cu a peca, ma tira nan den fierno, y a condena nan na posnan di scuridad, pa wordo reserva pa huicio.
Laga nos no lubida cu e angelnan aki bao di guia di Lucifer a rebeldia contra Dios y Dios a saca nan na mal ordo for di cielo.
Pesey ta para scirbi den Efesionan 6:1-3: Yuinan , obedece boso mayornan den Señor, pasobra esaki ta husto, Honra bo tata, y bo mama ( cu ta e promer mandamento cu promesa, pa bay bo bon y pa bo tin bida largo riba tera.
Rebeldia y murmuracion ta haci bida di hende cortico, of ta trece tardansa den bida di hende.
Murmuracion ta un forma hopi grave di demostra na Dios cu bo no ta contento locual Dios a haci pabo, cu bo merece mihor, asina bo ta demostra ingratitud, cual ta puro maldad cu diabel ta sembra den mente di hende pa asina nan rebeldia contra Dios.
Cuanto hende awendia , no ta contento cu e curpa cu nan tin, ni tampoco cu e sexo cu nan tin , nan ta desea di ta den un otro curpa, y esey ta hinca nan den rebeldia contra Dios.
Y aunke cuanto cambio wordo haci pafor na e curpa , locual Dios a pone paden no por cambia, e mente no por cambia, ni tampoco e sanger no por cambia.
Romanonan 8:7+8 ta para scirbi; Pasobra e mente fiha riba e carni ta enemistad contra Dios,pasobra e no ta somete su mes na e Ley di Dios,como e no ta capas pa haci esey tampoco.Si esnan cu ta den carni no por agrada Dios.
Den e ultimo tempo lo tin bofonadornan,cu ta sigi tras di nan mes pasion perverso. Esaki nan ta esnan cu ta causa division, hendenan sensual, cu no tin e Spirito.
Dios ta purba na tur manera pa hende, tene na cuenta cu ora un persona ta rebelde y ta murmura e ta aleha e presencia di Spirito Santo for di su bida.
Aki nan nos ta mira e peliger di cosnan cu hende ta aproba, pero cu Dios ta desaproba, y ora Dios no ta aproba algo, hende lo sinti e oposicion di Dios.
Mas cla nos tin cu splica, cu hopi hende ta pensa cu ta hende ta contra nan, pero alcontrario, door di orguyo, ingratitud na Dios, rebeldia, murmuracion, inmoralidad, y abominacion, Dios mes ta demostra su oposicion contra nan forma di biba.
Den Romanonan 1:28-32 ta para scirbi ora cu hende no kier reconoce Dios, Dios ta entrega nan na un mente perverso.
Pasobra constantemente rebeldia y murmuracion ta den nan boca.
Ta masha peligroso pa rebeldia contra Dios.
1 comment
[…] Source link […]