Michelle Mendez Fonseca, PR Manager di The STEM Embassy ta haci invitacion na comunidad di Aruba, prinsipalmente hobenan cu kier studia Science, Technology, Engineering y Mathematics (Ciencia, Tecnologia, Ingenieria y Matematica)
The STEM Embassy (TSE) ta un organisacion lanta na aña 2021 y ta consisti di 12 studiante di Aruba y Corsou cu ta studia Hulanda, Merca y Suisa. Tur tin e mesun mision: lanta curiosidad y confiansa den STEM den un amibiente cu ta accesibel na un y tur ariba e islanan ABC. STEM ta para pa estudionan den e areanan di Science, Technology, Engineering y Mathematics (Ciencia, Tecnologia, Ingenieria y Matematica). Miembro nan di The STEM Embassy a ripara cu hopi mucha no ta sigui un estudio den STEM. Pa e motibo aki mes kier informa e studiantenan di kico e estudio aki ta y kico tur por haci despues y cu tin trabao pa esaki. Lo ta bay tin diferente workshopsnan cu lo tuma luga.
E aña ‘ki TSE ta invita e pueblo di Aruba na e di dos STEM summer camp: “Ki’ Ta Bo STEM? Aruba 2023” pa muchanan entre 12-21 aña di edad y lo tuma lugar dia 26-29 di juli na Universidad di Aruba. Tin un total di 150 lugar disponibel y lo tin 6 diferente workshop incluyendo ingenieria, biologia marino, kimica, y hopi mas. Cu e workshops TSE kier pa e muchanan haya un chens pa explora nan interes den STEM y inspira e muchanan pa sigi discubri nan pasion. E evento ta caba dia 29 di juli cu un STEM Festival cu ta habri pa publico. Diferente organisacion y compania den e area di STEM lo ta presente pa brinda informacion na comunidad henter.
TSE kier indica cu no ta importa e nivel di estudio di e muchanan y pa por particpa conocemento di STEM di antemano no ta necesario. E meta di TSE ta pa crea interes den e areanan di estudio di STEM den un ambiente mas inclusivo posibel.
Por sigui tur informacion tocante registracion pa e evento via Facebook, Instagram @TheSTEMEmbassy y nan website www.thestemembassy.com. Y no perde e oportunidad pa aki.
Click aki bao like y share
1 comment
[…] Source link […]